Mirzoyan 120 min uydurma erməni qaçqının adına Avropada pul yığmağa başladı...
Mətin Məmmədli: “...Müxtəlif dövlətlərdən, yaxud beynəlxalq təşkilatlardan pul yardımı almağa çalışır”
Erməni mediasının yazdığına görə, noyabrın 15-də Brüsseldə Ermənistanın xarici işlər naziri Ararat Mirzoyan və Avropa Parlamentinin sədri Roberta Metsola arasında keçirilən görüşdə Ermənistan hökumətinin, daha dəqiq desək, Nikol Paşinyanın təqdim etdiyi “Dünyanın kəsişməsi” (“Sülh kəsişməsi”) layihəsindən də danışılıb.
Ermənilər yazır ki, Metsola da, Mirzoyan da Paşinyanın Zəngəzur dəhlizinə alternativ olan “Sülh kəsişməsi” layihəsinin həyata keçirilməsinin zəruriliyini qeyd ediblər. Guya Metsola da o layihənin zəruri olduğunu deyib. Qeyd etdiyimiz kimi, Paşinyanın “Sülh kəsişməsi layihəsi Zəngəzur dəhlizinin alternatividir. Bunlar belə qələmə verirlər ki, guya Metsola bu layihənin zəruriliyini təsdiqləyib. Bəlkə də təsdiqləyib, təsdiqləyibsə daha pisdir, ziyanlı tendensiyadır. Avropa Parlamenti sədrinin Paşinyanın “Sülh kəsişməsi” layihəsinə dəstək verməsi Avropa Birliyi adına biabırçılıqdır, bu birbaşa bölgədə sülhə qarşı çıxmaqdır, sülhün bərqərar olmasına maneədir.
Bu görüşdə diqqət çəkən digər məqam isə Ermənistanın xarici işlər naziri Mirzoyanın dilənçilik etməsidir. Mirzoyan Qarabağdan guya qovulmuş 100 min nəfərin tələbatını ödəmək üçün görülməsi zəruri olan tədbirlərin siyahısını Metsolaya təqdim edib. O, artıq 100 min nəfəri bəhanə edib Avropanın küçələrinə düşüb pul diləndiyini ortaya qoyub.
Ekspertlər hesab edir ki, Metsolanın Zəngəzur dəhlizinə alternativ olan “Sülh kəsişməsi” layihəsini təsdiqləməsi Avropa Birliyi üçün biabırçılıqdır, bu bizim bölgədə sülhün əleyhinə çıxıb onun yolunu kəsməkdir. Ermənistanın xarici işlər nazirinin təqdim etdiyi siyahıya gəlincə, ekspertlər qeyd edir ki, o, 100 min ermənini bəhanə edərək Avropanın küçələrində pul dilənir.
“Bu məsələni gündəmə gətirməklə siyasi məqsədlər güdürlər”
Beynəlxalq Münasibətlərin Təhlili Mərkəzinin aparıcı məsləhətçisi, siyasi elmlər üzrə fəlsəfə doktoru, dosent Mətin Məmmədli “Bakı-Xəbər”ə şərhində “Həqiqətən də Ermənistan hökuməti təxminən iki aya yaxın dövr ərzində Qarabağdan Ermənistana könüllü köçən ermənilərdən donor qurumlardan pul almaq üçün fəal istifadə edir. Bu sırada Avropa İttifaqını da qeyd edə bilərik. Ermənistan hökuməti bildirir ki, 100 min ermənini təmin etmək, onların ehtiyaclarını ödəmək onlar üçün çətindir və bu səbəbdən də müxtəlif dövlətlərdən, yaxud beynəlxalq təşkilatlardan pul yardımı almağa çalışır. Təbii ki, burada həm maliyyə, həm iqtisadi məsələlər var ki, Ermənistan hökuməti bundan istifadə etməyə cəhd edir. Eyni zamanda düşünürəm ki, bu məsələni gündəmə gətirməklə siyasi məqsədlər güdürlər. Guya ki, Qarabağdan köçən ermənilər ağır vəziyyətdə oranı tərk edib”-deyə bildirdi.
M.Məmmədlinin sözlərinə görə, Ermənistan hökuməti bütün vasitələrlə Qarabağdan getmiş erməniləri başqa cür qələmə verir və guya onlar zorakılıqla çıxarılıblar, guya orada mal-mülkləri qalıb. Ermənistan hökumətinin bu amildən siyasi monipylyasiya kimi istifadə etdiyini deyən M.Məmmədlinin bildirdiyinə görə, həqiqətən də kənardan bu mənzərə “acınacaqlı” görünür. “O biri məsələ ilə bağlı onu qeyd etmək istərdim ki, Avropa İttifaqı Parlametinin sədri Paşinyanın təqdim etdiyi məlum layihəni bəyəndiklərini bildirib. Məsələ belədir, Paşinyan özü və digər Ermənistan rəsmiləri dəfələrlə bəyan edirlər ki, Azərbaycanla sülh müqaviləsini imzalamağa hazırdılar, kommunikasiya xətlərinin açılmasını istəyirlər. Paşinyan da məlum layihəsini təqdim edib. Ancaq maraqlı olan odur ki, hər iki istiqamət üzrə Paşinyan hökuməti heç bir addım atmır, nə sülh müqaviləsinin imzalanması, nə Azərbaycanla münasibətlərin normallaşdırılması, nə də ki, kommunikasiya xəttlərin açılması ilə bağlı hansısa addım atır. Ermənistan hökumətinin səsləndirdiyi fikirlər yalnız və yalnız deklarativ xarakter daşıyır, əməli addımlar atmırlar. Bu səbəbdən də onların bəyan etdiyi “Ermənistan çalışır ki, sülh əldə olunsun, kommunikasiyalar açılsın” fikirlərinin siyasi baxımdan əhəmiyyəti yoxdur”-deyə M.Məmmədli vurğuladı.
İradə SARIYEVA
