Kobaxidze Zurabişviliyə mesaj göndərdi - vəzifənizi tərk edəcəksiz, təkrar seçki olmayacaq...
Dünən 12 nazir vəzifəsinə təyin edildi, bununla da yeni iqtidarın formalaşdırılması başa çatdı. Bu haqda Gürcüstanın Baş naziri İrakli Kobaxidze brifinqdə bildirib.
O deyib ki, dekabrın 14-də Gürcüstanda prezident seçkiləri keçiriləcək, bundan sonra da bütün konstitusiya orqanları gürcü xalqının əksəriyyətinin iradəsinə uyğun olaraq komplektləşdiriləcək.
“Məlumat vermək istərdim ki, dünən 12 nazir vəzifəsinə təyin edildi, bununla da 26 oktyabr parlament seçkiləri əsasında yeni iqtidarın formalaşdırılması başa çatdı. Onu da xatırladım ki, dekabrın 14-də prezident seçkiləri keçiriləcək” – baş nazir bildirib.
Kobaxidze dyib ki, prezident Salome Zurabişvili mandatının bitməsindən sonra vəzifəsini tərk edəcək. Baş nazir əlavə edib ki, Zurabişvilinin səlahiyyətlərini təhvil verməkdən imtina etməsinə baxmayaraq, rezidensiyanı tərk etmək məcburiyyəti yaranacaq.
O, qeyd edib ki, Gürcüstanda təkrar parlament seçkiləri keçirilməyəcək.
TAHİR
