Bayden seçkilərdən çəkilməyə razılaşıb? - ŞOK İDDİA...
Seçki kampaniyasının sədrindən də açıqlama gəldi...
ABŞ prezidenti Baydenə Trampla debatından sonra namizədlikdən geri çəkilməsi çağırışları artır. “Reuters” iddia edir ki, Baydenin noyabrın 5-də keçiriləcək prezident seçkilərindən çəkilə bilər.
Axios xəbər saytı da Baydenin partiya daxilindəki bəzi demokratların təzyiqi nəticəsində geri çəkilməyə inandırıldığına dair xəbərlər yayıb.
Baydenin namizədliyini davam etdirə biləcəyi ilə bağlı narahatlıqların iyunun 27-nə keçən gecə Respublikaçı rəqibi Trampla CNN-də ilk canlı yayım debatından sonra artmaqda olduğu qeyd edilən xəbərdə, bir çox demokratın, eləcə də ABŞ Nümayəndələr Palatasının üzvü Adam Şiffin Baydenə “geri çəkilmə” çağırışına qoşulduğu bildirilir.
Xəbərdə Baydenin prezident kampaniyasını bu həftə sonu bitirə biləcəyi iddia edilir.
"Financial Times" qəzeti də Baydenin bazar ertəsinə qədər prezidentlik yarışından geri çəkiləcəyini iddia edib.
Baydenin seçki kampaniyasının sədri Jen O'Malley Dillon isə yarışa davam edəcəklərini deyib. MSNBC-yə müsahibə verən Dillon, Baydenin "bir qədər dəstəyi itirdiyinin" fərqində olduqlarını, ancaq buna baxmayaraq prezidentin yarışdan geri çəkilmə çağırışlarının vəziyyəti çətinləşdirdiyini söyləyib.
Dillon çağırışlara baxmayaraq, "Baydenin mütləq yarışda iştirak edəcəyini" deyib: "Qələbəyə aparan bir neçə yolumuz var".
COVID-19-a tutulan və özünü təcrid edən Baydenin sağaldıqdan sonra gələn həftə yenidən seçki kampaniyasına başlayacağını bildirən Dillon, demokratları Baydeni dəstəkləməyə və birgə hərəkət etməyə çağırıb.
Bu arada ABŞ-da aparılan sorğu nəticəsində məlum olub ki, demokratların 79 faizi, prezident Bayden seçkilərdən çəkilmək qərarına gələrsə, vitse-prezident Kamala Harrisin prezidentliyə namizəd kimi irəli sürülməsini dəstəkləyir.
TAHİR
