Zelenski qərbli müttəfiqlərinə çağırış etdi - Ukraynaya qoşun göndərin...
Almaniyadakı Ramstein NATO bazasında keçirilən 25-ci Ukrayna Təmas Qrupu toplantısında çıxış edən Ukrayna prezidenti Zelenski qərbli müttəfiqlərini Ukraynaya qoşun göndərməyə çağırıb.
Zelenski bildirib ki, bu addım Rusiyanı sülhə məcbur etmək üçün ən təsirli vasitələrdən biri olacaq. Böyük Britaniya və Fransanın bu mövzuda dəstək siqnalları verdiyini deyən Zelenski, müttəfiqlərini cəsarətli addımlar atmağa çağırıb.
Fransanın Ukraynaya qoşun yeritmək üçün əvvəllər təklif etdiyi planı xatırladan Zelenski bu tədbirin sülhü sürətləndirə biləcəyini deyib.
Xarici media ABŞ-dakı mənbələrə istinadən yazır ki, ABŞ-ın yeni seçilmiş prezidenti Donald Tramp da bu fikri dəstəkləyib, lakin Amerika əsgərlərinin bu missiyada iştirak etməyəcəyini bildirib.
Qeyd edilir ki, Avropa ölkələri 40 min əsgərdən ibarət olacaq missiya ilə bağlı artıq danışıqlar aparır və bu qüvvənin Almaniya, İngiltərə, Fransa, İtaliya və Polşadan olan əsgərlərdən ibarət olacağı gözlənilir.
Avropa təhlükəsizlik mənbələri Ukraynanın müdafiəsi üçün 100 min əsgərin lazım olacağını təxmin edir.
TAHİR
