"Azərbaycan və Ermənistan arasında sülh regionda yeni fürsətlər yaradacaq" - Hakan Fidan
Qarabağda işğalın sona çatması ilə bölgədə dayanıqlı sülh və sabitlik üçün tarixi pəncərəsi açılıb.
Trend xəbər verir ki, bu barədə Türkiyənin xarici işlər naziri Hakan Fidan yerli və beynəlxalq media nümayəndələri üçün keçirilən brifinqdə bildirib.
O qeyd edib ki, Türkiyə Azərbaycanla çiyin-çiyinə hərəkət edir.
"Ermənistanın da uzun müddətli strateji bir anlayışla hərəkət edəcəyini ümid edirik. Tərəflər arasında vasitəçilər olmadan ikili formatda aparılan müzakirələrə dəstəyimizi davam etdiririk. İki ölkə arasında sülh imzalanması regionda yeni fürsətlər yaradacaq", - türkiyəli nazir əlavə edib.
