Paşinyanın yeni 11 "təşəbbüsü" sülhə yox, imitasiyaya xidmət edir- 2- si "elə ",4- ü "belə", 3- ü "orda", 2- si "burda".....
"Paşinyan Azərbaycanla münasibətlərin normallaşdırılması üzrə 11 maddəlik təşəbbüslə çıxış etdi. Mən hər halda erməni və bəzi rus media orqanlarında getmiş məlumatların ümumiləşdirilməsi nəticəsində 11 rəqəm sayını çıxarmışam. Sayın fərqli ola biləcəyini istisna etmirəm. Say önəmli deyil. Önəmli odur ki...."
Bunu “Bakı-Xəbər” Media Qrupunun rəhbəri, politoloq Aydın Quliyev öz Facebook səhifəsində yazıb. A.Quliyev daha sonra yazır: "Əvvala, şərti 11 təklifin yalnız ikisi Azərbaycanın son 2 ildə irəli sürdüyü 4 vacib şərtin bir hissəsidir. Paşinyan Minsk Qrupunun buraxılması və beynəlxalq hüquqi müstəvidə qarşılıqlı iddialardan imtina edilməsi şərtləri ilə razılaşıb. həm də Azərbaycanın sözü gedən 4 şərti kompleks xarakterlidir və onlar yalnız o halda praktik nəticəli ola bilər ki, yarımçıq yox, 4- ü də bütöv qəbul və icra edilsin. Paşinyanın qəbul etmədiyi digər 2 şərt konstitusiyanın dəyişdirilməsi və sərhədlərdə 3- cü ölkələrin qüvvələrinin yerləşdirilməsindən imtina etməkdir...
2.Paşinyanın yerdə qalan 9 təklifinin 4- ü Azərbaycanın əvvəlki dövrlərdə imtina etdiyi və ya sülh sazişinə dəxli olmayan məsələlər sırasına atdığı ideyalardı. Bunlar 90 faiz razılaşdırılmış, yəni yarımçıq hesab etdiyimiz sazişin imzalanması, Paşinyanın mifik "Dünya qovşağı" layihəsi, atəşkəsin pozulması faktlarının birgə araşdırılması mexanizminin işlənməsi və silahlanmaya birgə nəzarətində mexanizmi üzrə danışıqlar aparılması...Bu 4 təşəbbüsün hər birindən imtina üzrə Azərbaycanın çox aydın arqumentləri var və bu barədə çox deyildiyi üçün təkrar etmirəm...
3.Paşinyanın yerdə qalan 5 təklifinin bəzisi mənasızdır ( məsələn, gərginlik yaradan
nitqlərdən imtina, sülh sazişinin bütün müddəalarının tam və effektiv şəkildə icra edilməsi üzərində işləmək ) , bəzisi elə məsələlərdir ki, artıq onlarla bağlı razılaşmanın olmasına baxmayaraq Ermənistan onları icra etmir ( məsələn, itkin düşmüş şəxslərin taleyinin araşdırılması üzərində intensiv işləmək).
4.Paşinyanın digər 2 "təşəbbüsü" isə delimitasiya və qaçqınlarla bağlıdır ki, Azərbaycan bunların birini Ermənistana zorla qəbul etdirib ( delimitasiya), qaçqınlarla bağlı isə Azərbaycanın kompleks təkliflərini Ermənistan hələ də sabotaj etməklə məşqul olur ..
Göründüyü kimi, Paşinyanının " təşəbbüsləri" həqiqətdə prosesin irəlilədilməsinə xidmət etmir, əksinə ,, sadəcə " təşəbbüskar " kimi görünmək cəhdidir..."
Mətləb
