Rusiyanın NATO ilə müharibə hədəfləri açıqlandı - gizli siyahıda Azərbaycanın da adı var...
Rusiya-Ukrayna müharibəsinə görə NATO ilə Moskva arasında artan gərginlik tərəflərin toqquşma ehtimalını yenidən gündəmə gətirib.
Belə bir vaxtda, “Financial Times” Rusiyanın NATO ilə mümkün münaqişə zamanı hücum edəcəyi ölkələri sadalayan 29 fayldan ibarət gizli dosya əldə etdiyini iddia edib. Bir müddət əvvəl Rusiyanın mümkün müharibə vəziyyətində taktiki nüvə silahlarının istifadəsilə bağlı təlimlər keçirdiyini bildirilən “Financial Times”, sözügedən fayllarda Fransadan İngiltərəyə qədər uzanan xəritələrin olduğunu bildirib.
Qeyd edilir ki, 2008-2014-cü illər arasında hazırlanan fayllarda adi döyüş başlıqları və ya taktiki nüvə başlığı daşıya bilən raketlər üçün hədəflər yer alıb. Xəritələrdə Avropadakı 32 NATO hədəfinin olduğu bildirilir.
İddia edilir ki, hədəflər arasında Rusiyanın müttəfiqləri arasında yer alan ölkələr də yer alıb. Belə ki, siyahıda Türkiyə, Çin, İran, Şimali Koreya və hətta Azərbaycanın olduğu da iddia edilir.
Rusiyanın hədəfləri arasında Bergendəki dəniz bazası, həmçinin radar obyektləri və xüsusi təyinatlıların obyektləri də yer alır ki, bunların da çoxu əsasən Norveç və Almaniyada yerləşir. Sənədlər İngiltərədə sualtı gəmiqayırma zavodunu və ya Hull yaxınlığındakı bir sənayesi bölgəsinin vurulacağını da göstərir. Bundan əlavə, Türkiyədəki 4 nöqtənin də Baltik donanmasının mümkün hədəfləri arasında yer alacağı görünür.
NATO-nun keçmiş rəsmisi Uilliam Alberque “Financial Times”a bildirib ki, bu sənədlər hərbi və mühüm infrastruktur hədəfləri də daxil olmaqla, Avropada xəritədə çəkilmiş yüzlərlə, hətta minlərlə hədəfin kiçik bir hissəsini göstərir.
Analitiklər və keçmiş rəsmilərə görə, Rusiyanın Avropa boyu hücum qabiliyyəti göstərir ki, rus ordusu Baltikyanı və Polşa kimi cəbhəyanı dövlətlərdəki NATO qüvvələrilə münaqişəyə girdiyi anda qitənin hər yerində bütün hədəflər risq altında olacaq.
TAHİR
