KÖHNƏ VERSİYA            

Prezident İlham Əliyev və Prezident Sadır Japarov mətbuata bəyanatlarla çıxış ediblər - FOTO/VİDEO/YENİLƏNDİ

Image

Aprelin 24-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov mətbuata bəyanatlarla çıxış ediblər.

Əvvəlcə dövlətimizin başçısı mətbuata bəyanatla çıxış etdi.

Prezident İlham Əliyevin bəyanatı

- Hörmətli Sadır Nurqojoyeviç.

Hörmətli qonaqlar.

Əziz dostlar.

Bu gün Azərbaycanda dövlət səfərində olan əziz dostumuz və qardaşımız Sadır Nurqojoyeviç Japarovu salamlamağa şadıq. Səfər ölkələrimiz arasında dostluq, qardaşlıq münasibətlərinin möhkəmləndirilməsinə töhfə verəcək.

İndicə münasibətlərimizin gələcək inkişafını əhəmiyyətli dərəcədə müəyyən edəcək sənədləri imzaladıq. Onların hər biri böyük əhəmiyyətə malikdir. Sadıq Nurqojoyeviç ilə imzaladığımız Birgə Bəyannaməni xüsusi qeyd etmək istərdim.

Qarşılıqlı fəaliyyətimizin gündəliyi kifayət qədər genişdir. Bu gün biz həm məhdud tərkibdə, həm də geniş heyətdə qarşılıqlı fəaliyyətimizin əsas məsələlərini müzakirə etdik, Dövlətlərarası Şuranın ikinci iclasını uğurla keçirdik, müvafiq idarələrin rəhbərlərinin məlumatlarını dinlədik və müvafiq tapşırıqlar verdik. Əminəm ki, bu səfər və onun nəticələri qarşılıqlı fəaliyyətimizin möhkəmləndirilməsi, ticarət dövriyyəsinin artması və bütün istiqamətlər üzrə əməkdaşlığa dair praktiki müstəvidə özünü aydın şəkildə göstərəcək.

Bizim hər il qarşılıqlı səfərlərin həyata keçirilməsi üzrə yaxşı ənənəmiz formalaşıb. Mən ötən il, ondan əvvəlki il Qırğızıstanda olmuşam, həmçinin keçən il və ondan əvvəlki il Sadır Nurqojoyeviç bizi ziyarət edib. Bizim hələ yayda Şuşada Türk Dövlətləri Təşkilatının qeyri-rəsmi zirvə görüşünün keçirilməsi zamanı Azərbaycanda görüşmək imkanımız olacaq. Həmçinin Sadır Nurqojoyeviçi noyabr ayında COP29 beynəlxalq konfransında iştiraka dəvət etdim. Hər bir görüş qarşılıqlı fəaliyyətin, ünsiyyətimizin gücləndirilməsi, eləcə də ikitərəfli və çoxtərəfli əməkdaşlığın mühüm məsələlərinin həlli baxımından mühüm və dəyərlidir.

Azərbaycan Mərkəzi Asiya Dövlət Başçılarının 5-ci Məşvərət görüşündə fəxri qonaq qismində iştirak edib. Məni qardaş həmkarlarım dəvət etmişdilər. Elə bu yaxınlarda Azərbaycanın xarici işlər naziri Mərkəzi Asiya və Fars körfəzi ölkələrinin xarici siyasət idarələrinin başçılarının nazirlər səviyyəsində görüşünə dəvət olunmuşdu. Bütün bunlar təbiidir, çünki Azərbaycanı Mərkəzi Asiya ilə çoxəsrlik əməkdaşlıq, dostluq, qarşılıqlı fəaliyyət bağları birləşdirir. Bu gün Mərkəzi Asiya və Xəzər regionları, Xəzər və Cənubi Qafqaz regionlarının bir hissəsi olan Azərbaycan enerji resursları, nəqliyyat yolları, ticarət baxımından böyük əhəmiyyət kəsb edir. Burada böyük potensial görürük. Ən başlıcası, qardaş ölkələrdən olan ənənəvi tərəfdaşlarımızla qarşılıqlı fəaliyyəti möhkəmləndiririk. Onların arasında Qırğızıstanla əməkdaşlıq xüsusi əhəmiyyətə malikdir.

Çox şadam ki, biz iqtisadi-ticari sahədə fəal əməkdaşlıq edirik. Ticarət dövriyyəsinin dəfələrlə artmasına dair bu gün rəqəmlər səsləndirildi. Baxmayaraq ki, mütləq rəqəmlər hələ çox böyük deyil. Amma potensialın artması tendensiyası mövcuddur. Bu gün, həmçinin Azərbaycan-Qırğız İnkişaf Fondunun Nizamnamə fondu haqqında Sazişə əlavə imzalandı. Biz Nizamnamə fondunu 4 dəfə - 25 milyon dollardan 100 milyon dollara qədər artırdıq. Başlıca səbəb odur ki, çoxlu müraciət var. Bizə məruzə edildi ki, Qırğızıstanda investisiya layihələrinin həyata keçirilməsi üçün Fonda 40-dan çox müraciət daxil olub. Ona görə də, düşünürəm ki, 100 milyon dollar da son hədd deyil. Biz müvafiq hökumət strukturlarına birgə investisiya fondu çərçivəsində layihələrin həyata keçirilməsi mexanizmini daha tez reallaşdırmaq üçün birlikdə tapşırıq verdik.

Amma bu, ticarət dövriyyəsinin artırılması üçün yeganə mexanizm deyil. Bizim investisiya siyasəti üzrə başqa formalarımız da var. Bu gün məruzə olunduğu kimi, artıq İssık-Kul gölünün sahilində Azərbaycanın maliyyələşdirdiyi beşulduzlu otelin tikintisinə başlanılıb, bizə söz verildiyi kimi, o, növbəti ilin sonunda hazır olacaq.

Mən işğaldan azad edilmiş ərazilərin bərpası və yenidən qurulması işində dəstəyə görə Sadır Nurqojoyeviçə xüsusi təşəkkürümü bildirmək istərdim. Qırğızıstan Prezidentinin təşəbbüsü ilə Qırğızıstan Ağdam rayonunda orta məktəbin tikintisini öz vəsaiti hesabına həyata keçirəcək. Sabah biz birlikdə Füzuli və Ağdam rayonlarında olacağıq, məktəbin təməlinin qoyulmasında iştirak edəcəyik. Bu qardaş dəstəyinə görə çox minnətdarıq. Bu, bizim üçün böyük əhəmiyyətə malikdir.

Bu gün biz, həmçinin energetika, nəqliyyat sahələrini geniş müzakirə etdik. Burada da potensial görürük. Biz Qırğızıstanda bərpaolunan enerji üzrə investisiya layihələrində maraqlıyıq. Nəqliyyat sahəsinə gəldikdə, həm Qırğızıstanda, həm də Azərbaycanda irimiqyaslı nəqliyyat layihələri, dəmir yolunun tikintisi həyata keçirilir. Əlbəttə, artıq indi nəqliyyat marşrutlarının rəqəmsallaşdırılmasının və tarif siyasətinin razılaşdırılması baxımından məsləhətləşmələr aparmağa başlamaq lazımdır. Biz Xəzər, Mərkəzi Asiya vasitəsilə Avropaya marşrutu təkcə məsafə nöqteyi-nəzərindən deyil, həm də kommersiya cəlbediciliyi baxımından əlverişli etməliyik.

İkitərəfli əməkdaşlıq formatından çox danışmaq olar. Əlbəttə, bu günlərdə Azərbaycanda Qırğızıstan Mədəniyyəti Günlərinin keçirilməsini xatırlamamaq olmaz. Bu gün həmkarımla qırğız xalqının böyük oğlu Çingiz Aytmatovun Bakıdakı abidəsinin açılışında iştirak edəcəyik. Bu, onun xatirəsinə ehtiram əlaməti, həmçinin Qırğızıstan-Azərbaycan qardaşlığının daha bir rəmzidir.

Biz bütün istiqamətlər üzrə fəal qarşılıqlı fəaliyyəti davam etdirmək niyyətindəyik. Deməliyəm ki, bu gün imzalanan sənədlər hələ imza atılan sənədlərin hamısı deyil. Sənədlərin bir hissəsi müvafiq dövlət strukturlarında imzalanır. Beləliklə, biz, həmçinin münasibətlərimizin möhkəm qanunvericilik bazasını yaradırıq.

Hörmətli Sadır Nurqojoyeviç, bir daha xoş gəlmisiniz. Sizə, Qırğızıstandan gələn bütün dostlarımıza Azərbaycanda xoş vaxt keçirməyi arzulayıram.

Sağ olun.

x x x

Sonra Qırğızıstan Prezidenti mətbuata bəyanatla çıxış etdi

Prezident Sadır Japarovun bəyanatı

- Hörmətli kütləvi informasiya vasitələrinin nümayəndələri.

Xanımlar və cənablar.

Əvvəlcə Azərbaycan Respublikasının Prezidenti hörmətli İlham Heydər oğlu Əliyevə Azərbaycan Respublikasına dövlət səfərinə dəvətə görə səmimi-qəlbdən təşəkkürümü bildirirəm. Azərbaycanlı qardaşlarımıza ənənəvi səmimi qonaqpərvərliyə və səmimi qəbula görə nümayəndə heyətimizin adından minnətdarlığımı bildirirəm. Biz bərəkətli Azərbaycan torpağında növbəti dəfə olmağa şadıq və gözəl Bakı şəhərinə heyranlığımızı ifadə edirik. Azərbaycan Respublikasının Prezidenti hörmətli İlham Heydər oğlu Əliyevin rəhbərliyi ilə parlaq gələcəyini inamla quran və Azərbaycan dövlətini möhkəmləndirən qardaş Azərbaycan xalqının uğurlarına sevinirik.

Bu gün Azərbaycan Respublikasının hörmətli Prezidenti ilə Dövlətlərarası Şuranın ikinci iclası çərçivəsində ikitərəfli əməkdaşlığın demək olar ki, bütün aktual məsələləri üzrə ətraflı danışıqlar apardıq, iki ölkənin müxtəlif nazirliklərinin rəhbərlərinin hesabatlarını dinlədik. İclasın yekunu olaraq iki ölkənin qarşılıqlı fəaliyyətinin daha da genişləndirilməsinə yönəlmiş qərarlar qəbul olundu. Vurğulamaq istəyirəm ki, danışıqlar ənənəvi dostluq, şəffaflıq və etimad şəraitində keçdi. Bu da ölkələrimiz arasında qardaşlıq əlaqələrini xarakterizə edir. Görüşümüzün yekunlarına dair Qırğız Respublikası ilə Azərbaycan Respublikası arasında strateji tərəfdaşlığın möhkəmləndirilmiş münasibətlərinin qurulması üzrə Birgə Bəyannamə imzalandı. Bu sənədin imzalanması praktikada formalaşmış ikitərəfli strateji münasibətlərin daha dərin xarakterini rəsmi şəkildə təsbit edir.

Biz Azərbaycan-Qırğız İnkişaf Fondunun fəaliyyət perspektivlərini müzakirə etdik, Azərbaycan tərəfindən İssık-Kul gölünün sahilində beşulduzlu otelin tikilməsi məsələsinə toxunduq, Ağdam rayonunda Qırğızıstan tərəfindən orta məktəb binasının tikilməsini nəzərdən keçirdik. Məktəbin tikintisi Qırğızıstanın münaqişədən zərər çəkmiş regionlarda sülhün bərpasına töhfəsidir. Sabah məktəbin tikintisinə başlamazdan əvvəl onun təməlinin qoyulmasını planlaşdırırıq.

Bundan başqa, iqtisadi və humanitar əməkdaşlıq üzrə Qırğızıstan-Azərbaycan birgə hökumətlərarası komissiyasının növbəti iclasının keçirilməsi ilə bağlı razılıq əldə olundu. Komissiyanın fəaliyyəti ölkələrimiz arasında ticarət dövriyyəsinin artırılması üzrə mövcud məsələlərin müzakirəsi və inkişafı üçün səmərəli platformadır. Danışıqlar əsnasında Mərkəzi Asiya və Cənubi Qafqazdan keçən beynəlxalq nəqliyyat dəhlizlərinin inkişafı məsələsində iki ölkənin qarşılıqlı fəaliyyətinin perspektivləri müzakirə olundu.

Bu gün müxtəlif sahələrdə daha sıx fəaliyyətə yönəlmiş ikitərəfli sənədlər imzaladıq. İmzalanan sənədlər arasında Qırğız Respublikası ilə Azərbaycan Respublikası arasında ortamüddətli perspektivdə ikitərəfli qarşılıqlı fəaliyyətin əsas yol xəritəsi qismində istifadə olunacaq əməkdaşlığın inkişafına dair beşillik kompleks proqramı ayrıca qeyd etmək istərdim. Həmçinin Qırğız Respublikası ilə Azərbaycan Respublikası arasında gəlirlərə görə vergilərə münasibətdə ikiqat vergitutmanın aradan qaldırılması və vergidən yayınmanın qarşısının alınması haqqında Sazişi qeyd etmək istərdim ki, bu, iki ölkənin təsərrüfat subyektlərinin qarşılıqlı iqtisadi fəaliyyətinin həyata keçirilməsində böyük əhəmiyyətə malikdir.

Biz bu həftə Bakı şəhərində Qırğız Respublikasının Azərbaycan Respublikasında keçirilən Mədəniyyət Günləri ilə möhkəmlənən mədəni-humanitar sahədə qarşılıqlı fəaliyyətlə bağlı məmnunluq ifadə etdik. Dünyaşöhrətli məşhur yazıçı, qırğız xalqının və Türk dünyasının oğlu, Azərbaycan xalqının dostu Çingiz Aytmatovun xatirəsinin yad edilməsinə görə Azərbaycan tərəfinə dərin minnətdarlığımızı bildiririk. Bu gün Bakı şəhərində onun heykəlini açmağı planlaşdırırıq.

Bu il Azərbaycanda və Qırğızıstanda Türk Dövlətləri Təşkilatı çərçivəsində yüksək səviyyədə keçiriləcək qarşıdakı tədbirləri müzakirə etdik. Mən hörmətli İlham Heydər oğlunu təbrik etdim və fürsətdən istifadə edərək bütün qardaş Azərbaycan xalqını qlobal miqyaslı tədbirin – BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirilməsi hüququnu əldə etdiyinə görə təbrik edirəm. Həqiqətən bu, mühüm hadisədir və biz ürəkdən şadıq ki, qardaş ölkə belə irimiqyaslı tədbirə ev sahibliyi edir.

Sonda bugünkü danışıqların nəticələrindən və əldə olunmuş razılaşmalardan məmnunluğumu vurğulamaq istəyirəm. Onlar dövlətlərimizin bütün sahələrdə sıx əlaqələri inkişaf etdirmək, iki ölkənin xalqlarının maraqları naminə dostluq münasibətlərini hərtərəfli möhkəmləndirmək əzmini açıq şəkildə nümayiş etdirir.

Səmimi qonaqpərvərliyə görə Azərbaycan Respublikasının Prezidenti hörmətli İlham Heydər oğlu Əliyevə bir daha dərin minnətdarlığımı ifadə edirəm. Azərbaycan xalqına sülh və gələcəkdə də tərəqqi arzulamaq istəyirəm.

Təşəkkür edirəm.







VİDEO

Qriqoryan yeni qalmaqal başlatdı – Rusiya ödəniş etdiyimiz silahları göndərmir... - VİDEO

Xameneyi Paşinyana "İran-Ermənistan münasibətlərinin düşmənləri var" la nə demək istədi... - VİDEO

Məşhur ermənipərəst jurnalist Kolerovun rüşvətlə məqalələr yazmasının üstü açıldı - VİDEO

Sərhədçilərimiz Qazaxın 4 kəndini NƏZARƏTƏ GÖTÜRDÜ...

Dünya İsrailin üzünə durur - Fələstinin tanınmasının yeni dalğası başladı...

Korrupsiya barədə xəbər verənlər mükafatlandırılacaq...

SON XƏBƏRLƏR

24.05.2024 | 14:39
Avropa komissarı(?) Gürcüstanın Baş nazirini qətllə təhdid etdi - “Fitsonun başına gələnləri gördünüz"...

24.05.2024 | 14:15
Qriqoryan yeni qalmaqal başlatdı – Rusiya ödəniş etdiyimiz silahları göndərmir... - VİDEO

24.05.2024 | 13:46
MEDİA Agentliyi “Yaşıl dünya naminə media həmrəyliyi” mövzusunda müsabiqə elan edir

24.05.2024 | 13:37
Milli Məclis Prezident və Birinci vitse-prezidenti Müstəqillik Günü münasibətilə təbrik edib

24.05.2024 | 13:23
Xameneyi Paşinyana "İran-Ermənistan münasibətlərinin düşmənləri var" la nə demək istədi... - VİDEO

24.05.2024 | 13:16
"Yaxın Şərq və Ukraynadakı vəziyyət qlobal münaqişə ilə nəticələnə bilər" - Lebedev

24.05.2024 | 13:03
Валери Буайе - черноногая провокаторша против Баку - ПРЯМАЯ ТРАНСЛЯЦИЯ

24.05.2024 | 12:46
Məşhur ermənipərəst jurnalist Kolerovun rüşvətlə məqalələr yazmasının üstü açıldı - VİDEO

24.05.2024 | 12:25
"COP29-un ev sahibi kimi uğurlar qazansaq, bu, bütün dünya üçün faydalı olar" - Hikmət Hacıyev

24.05.2024 | 12:00
Bu gün 8 güləşçimiz Avropa çempionatında mübarizəyə başlayır

24.05.2024 | 11:30
Kürdəmirdə 4 otaqlı ev yanıb

24.05.2024 | 11:20
1 avtomat silahı, 5 qumbara, 5 tüfəng... - DİN-dən AÇIQLAMA

24.05.2024 | 11:15
"Nikah yaşına çatmayan şəxslərə dini kəbinin kəsilməsi qadağan edilir" - Dövlət Komitəsi

24.05.2024 | 11:10
Rusiya Paşinyandan izah tələb edir - CANLI

24.05.2024 | 11:04
Yaponiyanın Baş naziri COP29-a dəvət olunub

24.05.2024 | 11:00
Azərbaycan Dünya İqtisadi Forumunun İndeksi üzrə göstəricilərdə irəliləyib

24.05.2024 | 10:24
“Lachin Climate Action Dialogue” forumu işinə başlayıb - FOTO

24.05.2024 | 10:20
ABŞ Dövlət Departamentinin baş müşaviri Bakıya gəlir

24.05.2024 | 10:16
Heydər Əliyev Mərkəzində italiyalı heykəltəraşın sərgisi açılıb

24.05.2024 | 10:11
İtaliyalı məşqçi "Ayaks"ın sükanı arxasında

24.05.2024 | 10:02
Sərhədçilərimiz Qazaxın 4 kəndini NƏZARƏTƏ GÖTÜRDÜ...

24.05.2024 | 10:00
Ermənistan öz sərhədçilərini Azərbaycanla sərhədə yerləşdirir - İrəvandan AÇIQLAMA

24.05.2024 | 09:38
"Növbəti 5 il üçün Azərbaycanla bağlı tərəfdaşlıq sazişini yekunlaşdırmaq üzrəyik" - Dünya Bankı

24.05.2024 | 09:35
“Rəisinin helikopterində güllə izləri aşkarlanmayıb” – İran ordusunun Baş Qərargahı

24.05.2024 | 09:24
Məşhur sosial şəbəkə səhifələrində qanunsuz mərc oyunlarının qızğın təbliğatı gedir...

24.05.2024 | 09:10
"Bir həftədə 48 terrorçu zərərsizləşdirilib" - Türkiyədən AÇIQLAMA

24.05.2024 | 09:00
Laçının Sus kəndinə daha 39 ailə köçürüldü

24.05.2024 | 08:41
Dünyada problemli kreditlərin həll yolu tapılıb - Azərbaycanda yox...

24.05.2024 | 00:01
7-ci Beynəlxalq Xeyirxahlıq Mükafatlarının təqdimat mərasimində Sərvər Bəşirliyə “Vəfa Mükafatı” təqdim edildi

23.05.2024 | 23:45
Birinci vitse-prezident Mehriban Əliyeva cüdoçu Zelim Kotsoyevi təbrik etdi - FOTO

23.05.2024 | 20:57
Ermənistanın Qərb və Rusiya arasında savaş məkanına çevrilməsi sürətlənir

23.05.2024 | 20:41
Yaxın Şərqdə yeni tarix yazılır - Qərb Fələstin siyasətini dəyişir

23.05.2024 | 20:39
Cüdoçumuz Zelim Kotsoyev dünya çempionu oldu!

23.05.2024 | 20:33
Azərbaycan daha bir ölkə ilə strateji tərəfdaş oldu - Tacikistan...

23.05.2024 | 20:24
Azərbaycan-Tacikistan münasibətlərində yenilik - xalqların və dövlətin maraqları yenə prioritetdir...

23.05.2024 | 20:10
Blinken Rəisinin ölümü barədə niyə bu sözləri dedi...

23.05.2024 | 19:51
İlham Əliyevin neft ölkələrinə sayqı çağırışı OPEC-də yüksək səviyyədə eşidildi...

23.05.2024 | 19:39
Bakıya təzə sülh şərti - “hərbi əsirlər(?) qaytarılsın”...

23.05.2024 | 19:24
Özünü çar Pap elan edən Paşinyan keşişlərə yeni cəbhə açdı

23.05.2024 | 19:10
Telli Əliyeva “Vətənə xidmətə görə” ordeni ilə təltif edildi

23.05.2024 | 18:56
Makron yeni ordu ilə Kaledoniyaya gedir - kanak xalqı genosidlə üz-üzə qaldı...

23.05.2024 | 18:42
Avropadan sanksiya hədəsi, Gürcüstanın qisas jesti - neft-qaz kəmərlərinə təhlükə...

23.05.2024 | 18:35
Ermənilər bu dəfə də Qazaxın kəndlərini tərk edərkən tikililəri yandırır... - VİDEO

23.05.2024 | 18:28
Mirzoyan hay-küylü "nüvə təklifini" Azərbaycana və Rusiyaya qarşı çevirdi...

23.05.2024 | 18:14
Dünya İsrailin üzünə durur - Fələstinin tanınmasının yeni dalğası başladı...

23.05.2024 | 18:00
Kilsə İrəvanda yekun mitinqi 26 maya təyin etdi - 1600 il əvvələ aid uydurma erməni-fars döyüşünün gününə...

23.05.2024 | 17:46
Ailə və gender normalarının təkmilləşdirilməsi dinamik dövlət siyasətinə çevrilib...

23.05.2024 | 17:33
Korrupsiya barədə xəbər verənlər mükafatlandırılacaq...

23.05.2024 | 17:19
İrəvan KTMT-dən uzaqlaşdıqca, ABŞ kəşfiyyatı yaxınlaşır - yeni fakt...

23.05.2024 | 17:14
Mətbuat Şurası tanınmış jurnalist Bəbir Hüseynovun vəfatı ilə bağlı nekroloq yaydı

23.05.2024 | 17:06
Erməni kilsəsi ilə hakimiyyətin "vergi qalmaqalı" böyüdü - Simonyan kilsəyə bazar dedi...

23.05.2024 | 16:51
Jurnalistlərin binasında kommunal xidmətlər dayandırılmaq üzrədir -“İstənilən halda mənzil haqları ödənilməlidir”

23.05.2024 | 16:50
“Nar” ölkə üçün önəmli sosial layihələri dəstəkləməyə davam edir

23.05.2024 | 16:38
Zaxarovadan Paşinyanın ittihamlarına cavab - "Özümüz təxmin etməliyik, yoxsa sonra bizə deyəcək..."

23.05.2024 | 16:22
Dünyadan Fələstinin tanınması ilə bağlı ard-arda açıqlama - 1967-ci il sərhədləri... ABŞ qarşı çıxdı...

23.05.2024 | 16:19
Prezident Rəisinin cənazəsi dəfn üçün Məşhədə aparıldı...

23.05.2024 | 16:15
"Azərbaycanda keçirilən Tacikistan Mədəniyyət Günləri ikitərəfli münasibətlərdə mühüm hadisədir" - Prezident

23.05.2024 | 16:10
Prezident: "İmzalanan sənədlər Azərbaycan-Tacikistan münasibətlərinin müqavilə-hüquq bazasını xeyli möhkəmləndirir"

23.05.2024 | 16:06
"COP29-un qonaqları istədikləri platformadan seçdikləri hotellərdə qala bilərlər" - Agentlik sədrinin müavini

23.05.2024 | 16:04
"Tacikistanın COP29-da aktiv iştirakını gözləyirik" - Prezident İlham Əliyev

23.05.2024 | 15:57
Rusiya Baş Qərargah rəisinin müavini də həbs edildi...

23.05.2024 | 15:40
Müəllimlərə qadağa - sosial mediada iş yerinin nüfuzunu aşağı salan səs və videolar paylaşa bilməzlər...

23.05.2024 | 15:32
Narkomaniya yaşı gəncləşir – Masallıda tədbir keçirildi

23.05.2024 | 15:20
Ağdərədə 5 yeni məktəb yaradılır...

23.05.2024 | 15:16
İran xarici işlər naziri Tehranda dəfn edildi

23.05.2024 | 15:03
Dövlət Komitəsində “Şuşa qalası” broşürlar seriyasının təqdimatı keçirilib

23.05.2024 | 14:53
Sığortaolunanların sayı 0,31% artıb

23.05.2024 | 14:50
Xaçmaz Reabilitasiya Mərkəzinə mediatur təşkil edilib

23.05.2024 | 14:47
Ermənistan XİN: "Azərbaycanla sülh sazişinin vahid mətninə nail olacağımıza ümid edirik"

23.05.2024 | 14:15
2024-cü ilin dövlət büdcəsinə dəyişiklik ediləcək

23.05.2024 | 13:46
Bakıda saxlanılan iki narkokuryerdən 18 kiloqram marixuana aşkarlandı

23.05.2024 | 13:41
"Transxəzər nəqliyyat dəhlizi Avropa və Mərkəzi Asiya üçün getdikcə daha çox əhəmiyyət kəsb edir" - Prezident

23.05.2024 | 13:35
Erməni kilsəsinin torpaqları da əlindən alınır...

23.05.2024 | 13:25
Şəhid Elməddin Abbasov Sumqayıtda dəfn olundu

23.05.2024 | 13:11
Почему Захарова защищает армянскую церковь? - ПРЯМАЯ ТРАНСЛЯЦИЯ

23.05.2024 | 13:06
Azərbaycanla Tacikistan arasında strateji tərəfdaşlıq haqqında Bəyannamə imzalanıb

23.05.2024 | 13:03
Azərbaycan və Tacikistan Prezidentləri mətbuata bəyanatlarla çıxış ediblər - FOTO/YENİLƏNDİ

23.05.2024 | 13:01
Azərbaycan-Tacikistan sənədləri imzalanıb - FOTO/YENİLƏNDİ

23.05.2024 | 12:34
Birinci Qarabağ müharibəsinin şəhidi Cavid Ələkbərov Sumqayıtda dəfn olundu

23.05.2024 | 12:18
"Azərbaycan xarici dövlət borcunu 10 milyard dollara çatdırmağı düşünür" - Nazir

XƏBƏR ARXİVİ

«    May 2024    »
BeÇaÇCaCŞB
 12345
6789101112
13141516171819
20212223242526
2728293031