Türkiyə Azərbaycana təyyarə faciəsinin araşdırılması üçün nümayəndə heyəti göndərdi
Türkiyə Cumhuriyyəti Nəqliyyat və infrastruktur naziri Abdulkadir Uraloğlu X sosial platformasında paylaşım edib. Paylaşımda deyilir:
Azərbaycan Hava Yolları” QSC-nin AZAL sərnişin təyyarəsinin Qazaxıstanın Aktau şəhərində qəzaya uğraması ilə bağlı Azərbaycan Dövlət Mülki Aviasiya Agentliyinin müraciəti əsasında qəzanın səbəblərinin araşdırılması, texniki və əməliyyat analizlərinin aparılması və qəza vəziyyətinin təmin edilməsi üçün 8 nəfərdən ibarət istintaq komissiyası təyin edilib.
Nümayəndə heyətimiz bu gün (27 dekabr-red.) axşam saatlarında Bakıya yola düşəcək və sabahdan etibarən öz təcrübə sahələrinə uyğun olaraq insidentin bütün aspektlərini araşdırmaq üçün Azərbaycan hakimiyyət orqanları ilə koordinasiyada işləyəcək.
Türkiyə olaraq hər şəraitdə Azərbaycanın yanında olduğumuzu bildirir, həyatını itirənlərə Allah rəhmət eləsin, azərbaycanlı qardaşlarımıza şəfa diləyirik.
SAMİRƏ
