"Həbsxanalarda məhbusların sayı rekord həddə çatıb" - Fransa rəsmilərindən ETİRAF
Fransa həbsxanalarındakı məhbusların sayı 78,5 min nəfərə çataraq yenidən rekord yeniləyib. Bu barədə “Agence France-Presse” Fransa Ədliyyə Nazirliyinə istinadən məlumat yayıb. Qeyd olunur ki, cəzaçəkmə müəssisələrindəki məhkumların sayı son 10 ayda daim artıb, penitensiar müəssisələrdə orta doluluq göstəricisi isə 126,9 faizə çatıb. 19 müəssisədə isə bu rəqəm hətta 200 faizi də ötüb. Qurumun məlumatına görə, bununla əlaqədar 3,5 min məhbus döşəmədə yatmağa məcburdur.
Bildirilir ki, məhkəmə qərarını gözləyən və ya qısamüddətli həbs cəzası çəkən fransızların olduğu cəzaçəkmə müəssisələrindəki vəziyyət daha acınacaqlıdır. Orada orta doluluq 152,3 faizə çatır.
Mətləb Salahov
