Paşinyan "Erməni xalqının tarixi" fənnini "Ermənistan tarixi " ilə niyə əvəzlədi?...
![Image](/uploads/posts/2024-07/1720854395_1720259824_1719595189_1719083122_1718463872_aydin_quliyev_110618.webp)
"Ermənistan hökuməti xeyli çək- çevirdən sonra rəsmi qərar verdi , məktəblərdə və universitetlərdə tədris olunan "Erməni xalqının tarixi" fənnini " Ermənistan tarixi" adlandırdı. Niyə bunu etdilər?
Əvvəlcə hökumətin iclasında baş nazir Paşinyanın bu dəyişikliyə verdiyi izaha baxaq. Bu başdan deyim ki, insafən Paşinyan bu qərarı verməklə ermənilərin başının onlara lazımsız bəzi qalmaqallardan qurtulması üçün düzgün addım atıb.Paşinyan deyib: "Erməni xalqının tarixi " o deməkdir ki, dövlətin olduğu dövrlər də daxil varlığını və inkişafını nəql edir. "Ermənistan tarixi" isə o deməkdir ki, dövətin olmadığı dövrlər də daxil varlığını və inkişafını nəql edir." Bu fikirlər "Bakı Xəbər" qəzetinin baş redaktoru, politoloq Aydın Quliyevin öz facebook səhifəsində paylaşdığı yazısında yer alır. A.Quliyev yazır: "Dostlar, diqqətlə fikir versəniz , zahirən çox cəlbedici deyilmiş bu fikir mahiyyətcə əslində mənasız və cəfəngiyyatdan başqa bir şey deyil. Fiktin birində deyir ki, "dövlətin olduğu dövrlər də daxil...", o birində deyir " dövlətin olmadığı dövrlər də daxil...". Əslində hər ikisi eyni məzmundadır, bir- birini tamamlayır, deyimdə sadəcə o qədər "ritorik məntiq " var ki, erməni cəmiyyətini möhkəm inandırmaq gücündə olduğuna mən şəxsən şübhə etmirəm . Elə Paşinyana da məhz o lazımdır ki, erməni cəmiyyətinin çoxu bu dəyişikliyi dəstəkləsin, dəstəkləsin və əsil məntiqi axtarmasın. Əslində isə Paşinyanın bu fənn dəyişikliyini niyə etdiyini sonda deyəcəyəm.
Paşinyan ümumiyyətlə "mifik Ermənistandan" "Real Ermənistana" keçid kursunu müharibədən sonra addım- addım aparır. Başı daşdan- daşa dəydi axı... Doğrudur, o özü "mifik Ermənistan" yox, "virtual Ermənistan" ifadəsi işlədir. Ancaq bizə fərq etməz. Əsas odur ki, adam ermənilərin öz tarixləri ilə bağlı xeyli dərəcədə fantastik olan ideyaların burulğanında olduğunu həqiqətən görür və millətini bu burulğandan çıxarmaq istəyir. Deyim ki, bunu edə bilsə, erməni toplumunun qarşısında böyük tarixi xidmət göstərmiş olacaq . Məsələn, o daha əvvəllər də cəsarətlə deyib ki, "Real Ermənistan bizim söykənməli olduğumuz ən legitim, qanuni fundamentdir . Təəssüf ki, bizləri çox vaxt bu reallıqdan çıxarıb mifik aləmlərə aparıblar. Sovet dövründə bu Ermənistan Respublikasında yaşadığımız halda, bizi hardasa başqa yerlərdə mövcud olan "böyük vətən" ideyasının təsirinə salmışdılar."
Paşinyanın çıxışlarında belə nümunələr çox olub. Adam açıq deyir ki, biz əlimizdə olan bu Real Ermənistana real vətən kimi baxmalıyıq ,əks halda uzaqlarda vətən axtarsaq, " qulağımızı kəsəcəklər".Tam haqlıdır...Gğrək, erməni toplumu bu haqqı necə başa düşəcək.
İndi də gələk qısaca Ermənistanda fənn dəyişikliyinin əsil səbəbinə.
Paşinyan müstəqillik dövrü Ermənistan rəhbərlərinin arasında ilk adamdır ki, fantastik " böyük erməni vətəni" anlayışının bu toplumu necə zəhərlədiyini ayıq şəkildə görür .Bu dalandan öz toplumunu çıxarmaq istəyir.Ancaq erməni toplumuna açıq necə desin ki, tariximizi mifləşdirməyək, uydurma " böyük ermənistan" deyib bu ideyanın girovu olmayaq, bu girovluq bizə böyük faciələr yaşatdı,real olanın dəyərini bilək və sair.Paşinyan tarix fənninin adını dəyişməklə öz toplumuna ( mənim dostum politoloq Mehman İsmayılov erməni xalqı əvəzinə " erməni bomjatniki" ifadəsi içlədir)az da olsa "real tarix "öyrətmək istəyir. Daha doğrusu, öz toplumunu Mehman müəllimin dediyi " bomjatnik" durumundan çıxartmağa çalışır. Düzgün yoldadır Paşinyan...."
Mətləb