20 il əvvəl İraqda necə oldusa, Suriyada da elə olacaq- sabah Ümumsuriya konfransı başlayır, sonda yenə Kürd muxtariyyatı...
"Sabah Dəməşqdə 2 günlük Ümumsuriya xalq konfransı başlayacaq. Bilirsiniz bu fakt niyə maraqlıdır?
Çünki İraqda Səddam ABŞ tərəfindən devriləndən sonra da proses belə getmişdi, lakin hələ də İraqda stabil mərkəzi hakimiyyət yoxdur, ölkə bölünmüş vəziyyətdədir, ölkədə xarici hərbi qüvvələr var..."
Bunu “Bakı-Xəbər” Media Qrupunun rəhbəri, politoloq Aydın Quliyev öz Facebook səhifəsində yazıb. A.Quliyev daha sonra yazır: "2003- cü il, 1 may- Səddam tam çökdü, Bağdadda Müvəqqəti Amerika administrasiyası quruldu ,növbəti ilin iyununda Müvəqqəti Amerika administrasiyası hakimiyyəti sünnilərdən prezident, şiələrdən baş nazir olan Müvəqqəti İraq hökumətinə verdi. 2004- cü il avqustun 15- də isə Bağdadda Ümumiraq konfransı çağırıldı. İraqın hər yerindən 1800 nümayəndə iştirak etdi.Konfransda 100 nəfərdən ibarət Müvəqqəti parlament seçildi. Onun 81 nəfəri birbaşa konfransda seçildi, 19 yer isə Müvəqqəti İdarəetmə Şurasına verildi. Bir ol sonra 2005- ci ildə isə İraq Milli Məclisinə ümumi seçki keçirildi. Cəlal Tələbini prezident, şiə İbrahim Cəfəri baş nazir, sünni Hacı Əl Həsən parlament sədri oldu.
Hələlik kiçik bir fərq var. Ümumsuriya konfransına 1800 yox ,1200 nümayəndə dəvət olunub. Eynilə 20 il əvvəl İraqdakı kimi Müvəqqəti parlament, Müvəqqəti prezident və Müvəqqəti baş nazir seçiləcək, hakimiyyət etnik və dini qruplar arasında bölüşdürüləcək, ABŞ , İsrail və Türkiyə hərbi qüvvələri ölkədə qalacaq, Suriyanın şimal - şərqində Kürd administrasiyası elan olunacaq, 2004- cü ildə İraqda da eynilə bu cür Kürd Muxtariyyətı yaradılmışdı və bu günə qədər yaşayır . İran rejimi çökdürülənə qədər Suriyada vəziyyət beləcə davam edəcək....
Bu gün Türkiyədə Baxçalının və Ərdoğanın təşəbbüsü ilə başladılmış "Kürd açılımı" prosesi Suriyada həmin Kürd administrasiyasının yaradılmasının qarşısını almağa hesablanıb...Ancaq sonunun necə olacağını deyə bilmərəm..."
Mətləb
