Paşinyan bu gün Roma papası ilə nə danışacaq?....
“Bakı-Xəbər” Media Qrupunun rəhbəri, politoloq Aydın Quliyev öz Facebook səhifəsində paylaşım edib. A.Quliyev yazır: "Bu gün Paşinyan Roma papası ilə görüşmək üçün Vatikana səfər edəcək.Çox maraqlıdır, məxsusi səfər nə ilə bağlı ola bilər ? Ermənistanın rəsmi informasiya orqanları müzakirələrin nə ilə bağlı olacağı barədə konkret heç nə deməyiblər.
Ehtimallar işə düşür. Nəzərə alaq ki, Roma papasının təsirinin güclü olduğu bütün ölkələrdə Ermənistanın işləri yaxşı gedir, Ermənistana lazım olan ölkələrlə papasız da işlərini düzüb qoşa biliblər. Bəs papa ilə məxsusi və həm də qapalı görüş Paşinyanın nəyinə lazım olub?...
Məncə Paşinyan erməni kilsəsi ilə mübarizədə Papadan dəstək istəyəcək. Paşinyan 2018- ci ildə hakimiyyətə gələndən kilsəni bütün ölkə həyatından təcrid etməyə çalışır .Hələ nail ola bilmir. Səbəb də odur ki, kilsənin dünyada dəstəkçiləri çoxdur. Paşinyan papanın köməyi ilə kilsəyə qalib gəlsə ölkədə tam avtoritar hakimiyyət qurmağa nail ola biləcək.
Bunun isə bir neçə çoxşaxəli nəticələri ola bilər...."
Mətləb
