Berlində uğursuz erməni təqdimatının dalından Adenauer fondunun barmağı çıxdı....
44 günlük zəfər müharibəsindən sonra başı ilan kimi əzilən Ermənistan, bu baş verənlərdən dərs çıxarmağa, əsrlərdir ki, insanlğa qarşı həyata keçirdiyi cinayətlərə görə utanıb peşmançılıq keçirməyə, təcavüzkarlıq siyasətinin onu hansı fəlakətə sürüklədiyini anlamağa vaxt tapa bilmir. Qərbdəki təxribat qrupları Nikol Paşinyanın başını necə tovlayıblarsa yenə xam xəyallar arxasınca sürünür. Boşboğaz “artsax” sərsəmliyindən nifrətlə danışan sadə ermənilərdən fərqli olaraq bölgəni yenidən qan çanağına çevirmək sitəyən qüvvələr yenə dinc durmurlar. Ermənistana silah sursat daşımaqla yanaşı, indi də təxribatçı “tədbirlər” keçirməklə məşğuldurlar. Amma bu istəkləri də ürəklərində qalır. Elə son təxribat cəhdinin fiaskoya uğraması da dediyimi sübut edir.
Amma bu təxribatların “ilhamvericiləri” də hər gün gün üzünə çıxırlar. Bu dəfə Berlində. İrəvan Dövlət Universitetinin Tarix fakültəsinin mədəniyyətşünaslıq kafedrasının müdiri, tarix elmləri doktoru, professor, Tiqranakertdə qazıntı aparan ekspedisiya qrupunun rəhbəri, monumentwatch.org platformasının elmi direktoru Hamlet Petrosyan yana-yana yazır:
“Təəssüf hissi ilə yazıram ki, mövcud geosiyasi qeyri-sabitlik akademik azadlıq və etikaya təsir edir. Ən son qəbuledilməz nümunə Berlində “Das kulturelle Erbe von Arzach” (“Artsaxın mədəni irsi”) kitabının ictimaiyyətə təqdimatının ləğvi oldu.
Hələ Ermənistanın İctimai Radiosu nə yazır: “Berlində planlaşdırılan “Artsaxın mədəni irsi: erməni tarixi və Dağlıq Qarabağda onun izləri” toplusunun təqdimatı Azərbaycan lobbisinin təzyiqi ilə ləğv edilib. Təhlükəsizlik məqsədilə tədbir onlayn keçirilib. Kitab Almaniyanın Kiel Universitetində nəşr olunub. O, eyniadlı beynəlxalq elmi konfransın yekunlarına yekun vurur və Artsaxın tarixi və mədəniyyətinə dair elmi məqalələr təqdim edir. Kitabın təqdimatını Almaniya Xarici Siyasət Cəmiyyəti və Konrad Adenauer Fondu təşkil edib”. Bax belə, erməniləri bu bədbəxt, cəfəngiyyat dolu xülyalardan xilas olmağa qoymurlar. Öz oyunlarına ermənidən daha sərfəli, mənliyini itirmiş, istənilən stukaçılıq üçün yararlı başqa bir qurban tapa bilmədikləri üçün...
Mətləb Salahov
