“Qarabağ” “Kəpəz”i darmadağın etdi!
Bu gün futbol üzrə Azərbaycan Premyer Liqasında XII turun daha bir oyunu keçirilib. Son çempion “Qarabağ” klubu “Kəpəz”i qəbul edib. Tofiq Bəhramov adına Respublika Stadionunda keçirilən matç “Qarabağ”ın 7:1 hesablı qələbəsi ilə yekunlaşıb. Ağdamın təmsilçisinin qollarını 2, 15 və 43-cü dəqiqələrdə Yassin Benzia, 13-cü və 51-ci dəqiqədə Leandro Andrade, 37-ci dəqiqədə Olavio Juninyo, 63-cü dəqiqədə Nəriman Axundzadə vurub. “Kəpəz”in heyətində isə 18-ci dəqiqədə Adama Niane fərqlənib. Bununla da “Qarabağ” xallarının sayını 23-ə çatdırıb və liderliyə yüksəlib. "Kəpəz"in isə 6 xalı var və sonuncu pillədə qərarlaşıb.
Mətləb
