Yaxın Şərqdə savaş daha bir ölkəyə sıçradı… İsrail: “Hücum etməyə hazırıq”
İsrail Baş Qərargah rəisi Herzi Halevi Livanla sərhəd xətti olan şimala hücum etməyə hazır olduqlarını və bunun baş verə biləcəyini bəyan edib.
Halevi İsrailin şimalındakı bölməyə səfəri zamanı bölgədəki son hadisələrlə bağlı açıqlamalar verib. Halevi açıqlamasında şimalda hücuma hazırıq olduqlarını və bunun baş verə biləcəyini deyib.
Qeyd edək ki, oktyabrın 8-dən İsrail ordusu ilə Hizbullah arasında vaxtaşırı qarşılıqlı hücumlar olur. Hizbullah lideri Həsən Nəsrullah cümə günü etdiyi çıxışında Livan cəbhəsi olaraq oktyabrın 8-dən müharibədə olduqlarını və bununla kifayətlənməyəcəklərini deyib.
İsrail ordusu radiosunun məlumatına görə, Livan ərazisindən İsrailin şimalına raket və tank əleyhinə raketlər atılıb. Tank əleyhinə raketin avtomobilə dəyməsi nəticəsində bir israilli ölüb. Bildirilib ki, Livan sərhədinə yaxın Kiryat Şmona, Metula kimi İsrail yaşayış məntəqələrində xəbərdarlıq həyəcan siqnalı verilib.
Livan Hizbullahı isə hücuma görə məsuliyyəti üzərinə götürərək, bunun İsrailin 4 mülki vətəndaşın ölümünə səbəb olan hava hücumuna cavab olduğu bildirilib.
TAHİR
