Erməni hiyləgərliyi - revanşizm çağırışları sosial şəbəkələrə daşınır
Mətləb Salahov: “Erməni cəmiyyətində sülh əvəzinə nifrət isterikası güclənir”
Son günlər erməni sosial şəbəkə seqmentində yenidən anti-Azərbaycan əhval ruhiyyəsini qızışdırmaq niyyətləri xeyli aktualaşıb. Xüsusilə baş nazir Nikol Paşinyanın Azərbaycan əleyhinə işğalçılıq müddəaları ilə dolu olan hazırkı Ermənistan konstitusiyasına dəyişiklik etməkdən boyun qaçırması, bu istiqamətdə verdiyi açıqlamalar Ermənistandakı radikal ünsürlərlə yanaşı digər ictimai təbəqələrdə də sülh əvəzinə müharibə və Azərbaycana qarşı nifrət isterikasını gücləndirib.
Ekspert-jurnalist Mətləb Salahov “Bakı-Xəbər”ə açıqlamasında bildirib ki, erməni sosial şəbəkə seqmentlərində bu iş daha aktiv fazaya keçib: “Onlar çalışırlar ki, ən güclü informasiya məkanı olan sosial şəbəkə meydanında sülh sazişinə qarşı erməni ictimai rəyini yönləndirə bilsinlər. Xüsusilə ABŞ, Aİ və Fransanın güclü maliyyə yardımları, silah-sursat dəstəyi fonunda Ermənistanda Azərbaycanla normal münasibət yaradılması əleyhinə rəy formalaşdırmaq üçün şalışırlar. Artıq bu məsələdə təkcə revanşist qüvvələr deyil, elə N.Paşinyan komandası da aktivlik göstərir. Əlbəttdə bunun mühüm səbəbləri var. Çünki ABŞ və digər qərb qüvvələrindən on milyonlarla dollar və silah-sursat dəstəyi alan hazırkı Ermənistan hakimiyyəti bunun müqabilində onların əmrlərini yerinə yetirmək məcburiyyətindədir.
Hazırkı Ermənistan hakimiyyətinin bütün addımları daha çox vaxt qazanmağa, güc toplayıb Azərbaycana qarşı revanşist siyasət yürütməyə, bu işdə daha çox beynəlxalq oyunçu toplamağa və erməni ictimai rəyini də bu istiqamətə yönltməyə hesablanıb. Belə bir vaxtda əsas informator gücünə sahib sosial şəbəkələrin erməni seqmentindəki təxribat fəallığı gözdən qaçmır. Bir məsələyə diqqət edək: bir müddət əvvəl Ermənistan sosial şəbəkələrində guya Xankəndini tərk edən ermənilərin evlərinin yandırılması, əşyalarının və əmlaklarının yağmalanması barədə saxta görüntülər yayılmışdı.
Dərhal İrəvanda ekspert və politoloqlar, keçmiş erməni cinayətkar məmur tör-töküntüləri səs-səsə verib Azərbaycana qarşı iyrənc piar kompaniyasına başladılar. Sosial şəbəkələrdəki bu saxta görüntülər ilk növbədə nəyin təsdiqidir? əvvəla erməni təbliğat maşını bir gün də belə olsun öz məkrli və hiyləgər xislətindən əl çəkmir və bu son saxta video paylaşımlar da onların bariz nümunəsidir. Heç bir məntiq və həqiqətə uyğun olmayan, sadəcə “nə olur olsun Azərbaycan əleyhinə mənfi rəy yaradılsın” yanaşması və istəyi ilə ortaya atılan bu saxta görüntülərlə erməni tərəfi növbəti bir oyuna başlamaq istəyirdilər. Elə indi də istəyirlər. Bu dəfə daha həyasızcasına.
Hazırda bu təxribat maşını Azərbaycana qarşı inamsızlıq yaratmaq, qarşılıqlı etimadRevanşistlərin erməni sosial şəbəkə seqmentində bu cür təhrikedici yalan maşınına rəvac vermələri elə bir vaxtda baş verir ki, N.Paşinyan höküməti beynəlxalq güclərin “Azərbaycana hücum et” təzyiqi altındadır. Xüsusilə Fransa və ABŞ tərəfindən on milyonlarla dollarlıq irimiqyaslı “yardımlardan” və bunun əvəzinə amansız təzyiqlərdən sonra N.Paşinyanın da revanşistlərə qoşulub eyni xoru ifa etməsi diqqətdən yayınmır.
Əlbəttdə, erməni sosial şəbəkə seqmentindəki bu təxribat dolu revanşist “fəallıq”da əsas məqsəd Ermənistan cəmiyyətini Azərbaycana qarşı qaldırmaq, böyük səbirsizliklə gözlənin sülh müqaviləsinin imzalanmasına qarşı etirazları gücləndirməkdir. Maraqlı və təəsüfləndiricidir ki, bu məsələdə həm qərb, həm də son günlər N.Paşinyana "isti qucaq" açan Rusiya da eyni mövqedən çıxış edir."
Namiq Quliyev
