Gürcüstan azərbaycanlılarının ikinci qrupunun azad ərazilərə səfəri başlayıb...
Gürcüstan azərbaycanlıların işğaldan azad olunan ərazilərə səfəri davam edir. Trend xəbər verir ki, artıq ikinci qrupun sözü gedən ərazilərə səfəri başlayıb.
Növbəti qrupun səfəri ötən gün Xankəndi şəhərindən start alıb. Bu gün qonaqlar üçün Şuşa şəhərində gəzinti təşkil edilib.
Onlara şəhər haqqında ətraflı məlumat verilib. Səfər zamanı həmçinin şəhərdə həyata keçirlən tikinti quruculuq işləri barədə də qonaqlara məlumat verilib. Günün ikinci yarısında qonaqlar Ağdama səfər edəcəklər.
Qeyd edək ki, sözü gedən ərazilər üzrə qonaqların səfəri üç qrup olmaqla altı günlük nəzərdə tutulub və ilk qrupun səfəri başa çatıb, onlar öncə Şuşa şəhərində daha sonra isə Xankəndi və Ağdamda olublar.
