17 Saylı Yasamal 3-cü seçki Dairəsindən deputatlığa namizəd Aydın Əhməd oğlu Əbilov: İctimai xadimlikdən millət vəkilliyinə şərəfli yol

17 Saylı Yasamal 3-cü seçki Dairəsindən deputatlığa namizəd, tanınmış ictimai və mədəniyyət xadimi Aydın (Xan) Əhməd oğlu Əbilov. O, onillər boyu cəmiyyətin intellektual-kulturoloji inkişafı üçün çalşıb.

Qısa, amma uzun bir yolun davamçısı!

Aydın Xan kimi tanınan Aydın Əhməd oğlu Əbilov analitik-ekspert, yazışı-kulturoloq, ədəbi-mədəni tədbirlərin, kreativ hadisələrin ideyaçısı, eyni zamanda, təşkilatçısı fəal ictimai lider, mədəniyyət xadimi, vətəndaş cəmiyyətinin aktivisti olaraq o, ictimai-mədəni fəalliyyətləri ilə cəmiyyətin inkişafına xidmət etmək üçün mürəkkəb, amma şərəfli bir ömür yolu keçmənlərdəndir: bu istiqamətdə illərdir bilik və bacarıqlarını əsirgəməyib. Seçicilərlə görüşlərdə də vurğulandığı kimi, o, Milli Məclisdə intellektual mövqe sərgiləmək fikrindədir. Bütöv Azərbaycanın inkişaf istiqamətləri, son illər yüklənən paytaxt Bakı şəhərinin, xüsusən də boşalmaq təhlükəsi ilə üzləşən bölgələrin iqtisadi-sosial dirçəlişinin sürətləndirilməsi kimi məsələlərə diqqət cəlb etmək, eləcə də özünün də yaşadığı, işlədiyi qədim və doğma Yasamal rayonu sakinlərinin çoxsaylı problemləri parlamentdə səsləndirmək, şəhid ailələri, müharibə veteranları, cəmiyyətin aztəminatlı qruplarının durumunu yaxşılaşdırmaq üçün aidiyyəti dövlət qurumları ilə birbaşa əlaqələrə girmək gələcəkdə millət vəkillinə iddialı olan namizədin əsas planlarını təşkil edir.

Aydın Əhməd oğlu Əbilov (Aydın Xan): məhsuldar ömür yoluna qısa nəzər yetirək

Aydın Əhməd oğlu Əbilov (Aydın Xan) Yeni Yazarlar və Sənətçilər İctimai Birliyinin sədri, “Ədəbiyyat qəzeti”nin şöbə redaktoru, Azərbaycan Yazıçılar Birliyinin Analitik-İnformasiya Mərkəzinin rəhbəridir.

www.kitabxana.net – Mir Cəlal Paşayev adına Milli Virtual-Elektron Kitabxananın təsisçisi və direktoru, www.yenimedia.net portalının baş redaktoru, tanınmış ictimai və mədəniyyət xadimi, yazıçı-kulturoloq, Prezident təqaüdçüsüdür.

O, Azərbaycanda tanınmış televiziya eksperti, ictimai-sosial, analitik tənqidçi olaraq tanınır: 10-dan çox elmi kitabın, yüzlərlə elmi-publisistik məqalənin, minlərlə elektron nəşrin redaktoru, mindən artıq ekspert rəyinin müəllifi, milli və beynəlxalq mükafatlar laureatı, 10-dan çox elmi-sənədli filmin rejissoru, 100-dən çox kulturoloji-elmi layihənin baş əlaqələndiricisi olub.

Bakı Dövlət Universitetinin filologiya fakültəsində və Azərbaycan Milli Elmlər Akademiyasının Nizami adına Ədəbiyyat İnstitutunun əyani aspiranturasında təhsil alıb.

Bir müddət Xəzər Universitetində mühazirələr deyib, xüsusi kurslar keçib.

Fərqli vaxtlarda, müxtəlif yerlərdə xüsusi kurslar və təlimlər keçib, yerli və beynəlxalq konfrans, tədbir, təlim, layihələrin iştirakçısı, təşkilatçısı və aparıcısı olub.

Müxtəlif yerli və beynəlxalq mətbuat orqanlarının təsisçisi və baş redaktoru kimi çalışıb.

Platformasından seçmələr:

Qanunların aliliyi, məmur və varlıların özbaşınalığına son, sosial bərabərlik, intellektual inkişaf, elmi-texniki tərəqqi, elmlə təhsilə xüsusi diqqət və Azərbaycanın hüquqi dövlət kimi inkişafı naminə fəaliyyətləri genişləndirmək;

Şəhid ailələrinin üzvləri və qazilər üçün iş yerlərinin kvota ilə müəyyənləşdirilməsi: dövlət və özəl qurumlarda onlar üçün ayrıca iş yerlərinin ayrılması;

Evsiz ailələrə 2 faizli kritik sosial ipoteka ayrılması üçün xüsusi proqramın hazırlanması və reallaşdırılması;

Yasamal rayonu problemlərinin həlli istiqamətində davamlı işlərin görülməsinə nail olmaq;

Paytaxt Bakının xaotik yüklənməsinin qarşısı alınması ilə bağlı planların hazırlanması, onun həyata keçirilməsinə çalışmaq;

Yaşlı nəslin qayğılarını öz üzərinə götürəcək sosial xidmətlərin təşkilinə gerçəkləşdirmək;

Uşaqlar və gənclərin əlaçatan təhsil imkanlarını genişləndirilməsi, eləcə də gənc nəslin normal qidalanması, istirahəti və karyera imkanlarının artırılması ilə rəsmi dövlət proqramın qəbuluna nail olmaq;

Gənclər arasında narkomaniya, tütün məhsullarından istifadə kimi zərəli vərdişlərlə sivil metodlardan yararlanmaqla mübarizənin artırılması;

Süni qiymət artımı, işsizlik, ekoloji böhran, şaytaxtın təbiətinə vurulan zərər, Bakı və Abşerondakı göllərin qurudulmasına qarşı cəmiyyətin və dövlət orqanlarının birbaşa müdaxiləsi ilə ictimai nəzarətin gücləndirilməsi;

İşsiz gənclərlə bağlı dövlətin xüsusi proqramının qəbulu və orada paytaxt, Yasamal rayonu gəncləri üçün kvotaların ayrılması;

Qadınların iş saatının azaldılması: işləyən xanımların ailə üzvlərinə və uşaqlarına baxdıqları üçün işə 1 saat gec gəlsin, eləcə də işdən 1 saat tez çıxa bilsin;

Ailə böhran təsisatları, eləcə də gənclər üçün uğur və karyera mərkəzlərinin yaradılması;

Şəhər mərkəzində söküntüsü gedən məhəllələrin sakinlərinin həmin ərazilərdə mənzil və iş yerləri təmin edilməsinə nail olmaq;

Paytaxtda tikilən hündürmərtəbəli binaların 1-ci mərtəbəlində mülkləri sökülmüş yerli sakinlərə iş yerlərinin açılması üçün minimal qiymətlərlə qeyri-yaşayış sahələrinin ayrılmasına çalışmaq;

Təhsil, elm, səhiyyə, mədəniyyət və dövlət qulluqçularının əmək haqlarının ölkədəki mövcud qiymətlərə uyğunlaşdırılması;

İcbari Tibbi Sığorta ilə bağlı problemlərin aradan qaldırılması və əhalinin sağlamlığına xüsusi dövlət qayğısının artırılması;

Parlament və dövlət təsisatında islahatların aparılması, Milli Məclisin daha çox ictimai-siyasi müzakirələr meydanına çvirmək, gələcəkdə cəmiyyətin daha çox təbəqələrinin əhatələmək üçüç ikipalatalı beyin mərkəzi kimi fəaliyyətinə çalışmaq;

Dövlət qurumları və sisteminə parlamentin ictimai-siyasi nəzarətini artırmaq və s…