Kobaxidze Avropaya barmaq silkələdi - heç kimə imkan verməyəcəyik ki, Gürcüstanı Ukraynaya çevirməyə cəhd etsin...
Dünən Avropa Birliyinin Avropaya inteqrasiya prosesini dayandırdığını iddia edən Avropa Birliyinin səfiri bu gün Avropaya inteqrasiya prosesinin Gürcüstan tərəfindən dayandırıldığını iddia edir. Gürcüstan cəmiyyətinin bu üç il ərzində müşahidə etdiyi bu cür yalan və ikiüzlülük gürcülərin Avropa institutlarına inamını sarsıdır. Bunu Gürcüstanın baş naziri İrakli Kobaxidze mətbuat konfransında bildirib.
İ.Kobaxidze qeyd edib ki, Gürcüstan Avropaya inteqrasiya prosesini dayandırmayıb, ölkə Gürcüstanın Avropaya inteqrasiyası ilə bağlı bütün öhdəliklərini yerinə yetirməkdə davam edir.
“Bu fonda təəccüblü deyil ki, Avropa İttifaqının apardığı “Avrobarometr” sorğusuna əsasən, son 6 ayda Gürcüstan cəmiyyətində Avropa İttifaqı institutlarına inam 6% azalaraq rekord həddə – 58% olub. Ancaq konkret avropalı siyasətçilərin və bürokratların göstərişi olan həmin şəxsləri Gürcüstanın milli maraqları, Avropa Birliyinin imici maraqlandırmır.
İki gün əvvəl və dünən qəti şəkildə dediyimizi bir daha təkrar edirəm, Gürcüstan Avropaya inteqrasiya prosesini dayandırmayıb, ölkəmiz Gürcüstanın Avropaya inteqrasiyası ilə bağlı bütün öhdəlikləri yerinə yetirməkdə davam edir. Bunlar 2028-ci ilə qədər 90 faizdən çoxu yerinə yetiriləcək assosiasiya gündəmi və azad ticarət sazişindən irəli gələn öhdəliklərdir.
Bununla belə, biz heç kimə imkan verməyəcəyik ki, danışıqlara başlamaq məsələsi kimi formallıqdan istifadə edərək cəmiyyəti parçalamağa, ölkəni parçalamağa, Gürcüstanı Ukraynaya çevirməyə cəhd etsin. Bu, şantaj əvəzinə, Gürcüstanı Aİ-yə inteqrasiyaya aparan yeganə yoldur” – deyə İ.Kobaxidze bildirib.
TAHİR
