Putin uduzur, yoxsa TƏLƏ qurur?
Ukrayna ətrafında mürəkkəb və həlledici oyun başlayıb. Həm siyasi həm də hərbi mənada. Ağ Evi tərk etmək üçün günlərini sayan 80 yaşlı Co Baydenin dünya üçün qanlı miras qoyub getdiyi Ukrayna müharibəsi artıq həlledici mərhələyə daxil olub. Bu müharibədə həm də şifrəli hərbi tamaşa başlayıb. Guya Ukrayna Kursk vilayətinə qəfil hücum edir, Rusiyanın dərinliklərinə qədər irəliləyir. Üstəlik Kurskla da bitmir məsələ, Ukrayna Rusiyanın daha bir neçə rayonunu ələ keçirir. Məqsəddə odur ki, rəsmi Kiyev Rusiya ilə həlledici danışıqlar ərəfəsində “əlini gücləndirmək” istəyir. Bu mənzərədən sanki belə görünür ki, Rusiya o dərəcədə zəifləyib ki, Ukrayna uniforması geyinmiş silahlı NATO qruplaşmaları qarşısında tam aciz vəziyyətdədir. Doğrudur, Ukraynanın Kurska girməsi və bununla da xarici ölkə tərəfindən Rusiya torpaqlarının 1941-45 müharibəsindən sonra ilk dəfə işğal olunması tarixə keçən hadisə oldu. Amma bunun gerçək hərbi proses kimi qiymətləndirilməsi, Ukraynanın Rusiyaya güc gəlməsi, Rusiya ordusunun belə acınacaqlı hala salınması qəti real durumu əks etdirmir. Çünki müharibə əvəzinə kəşfiyyat xarakterli hərbi gedişlər edilir. Heç kəs açıq müharibəyə birinci başlamaq istəmir. Sanki boks rinqində tərəflər bir birinin əsəblərini və əzələlərini yoxlayırlar.
Əlbəttdə bütün dünyaya məlumdur ki, rəsmi Kiyevin tərəfində Rusiyaya qarşı Ukrayna uniforması altında NATÖ ölkələri, həttda konkret olaraq Almaniya, İngiltərə, Fransa hərbi qruplaşmaları vuruşurlar.müharibədən daha çox siyasi Zavallı Ukrayna isə qərb koalisiyasının Rusiyaya qarşı qanlı planları üçün sadəcə plastarm rolunu oynayır – xarabazarlığa çevrilmiş, sakinləri dünyaya didərgin düşən, şəhərləri yerlə yeksan edilən Ukrayna canlanır gözümüzün qabağında... Hələ 2022-ci ilin soyuq 24 fevral tarixində rus tankları üzünü Kiyevə çevirəndə, qədim slavyan paytaxtının düz qapısının ağzına qədər gəlib sonra geri dönəndə, bu münaqişənin real müharibədən daha çox siyasi oyunlar üçün hazırlanan hərbi tamaşa, daha doğrusu “əsəb müharibəsi” olduğunu hər kəs anlamışdı. C.Baydenin 1970-ci illərdən beyninə qoyduğu bir ideya vardı: Rusiya ilə Avropanın sərhədləri Şərqi Avropadan deyil, slavyan ölkəsi olan Ukraynadan keçməlidir. Və yaddaşını itirmiş bu qoca həmin ideyasını reallaşdırmaq üçün Ukrayna kimi bir ölkəni yerlə yeksan etdi, on minlərlə ukraynalı yurd yuvasından didərgin düşdü, uşaq-qoca-qadın məhv olub getdilər...
C.Baydenin bu cinayət dolu hərbi planı birbaşa Rusiyanı qəzəbləndirmək, onun qulağının dibində yeni cəbhə açıb Moskvaya meydan oxumaq, Rusiyanı yeni hərbi təxribatlara çəkib keçmiş sovet ərazilərində qanlı münqaişələri alovlandırmaqla, bölgədə xaos yaratmağa hesablanıb. Sən okeanın o tayından dur gəl, bir slavyan ölkəsində, Rusiyanın qulağının dibində ona qarşı cəbhə aç, minlərlə insanı yurd yuvasından didərgin sal, yüzlərlə, minlərlə insanı qanlar içində məhv et, sonra da utanmadan demokratiya barədə danış. Əlbəttdə bu məsələdə Rusiya da günahkar və məsuliyyət daşıyan tərəfdir. Amma onu bu qanlı təxribata çəkən tərəf C.Baydenin ABŞ-ı oldu. Məhz qərb gücləri Rusiyanı zəif və zərif yerindən vurmaq üçün Ukrayna kartını işə saldılar. Bu gün ABŞ başda olmaqla xüsusilə İngiltərə və Almaniya daxil qərb müttəfiqləri açıq şəkildə olmasa da, amma hamının bildiyi şəkildə Ukraynada Rusiyaya qarşı vuruşurlar. Təkcə bu üç NATO supergücünün son 5-6 ay ərzində Ukraynaya ayırdıqları trilyon dollarlar, ən müasir silah və sursatlar deməyə əsas verir ki, qərb Rusiya ilə Avropa arasında yeni xəritəni çəkmək üçün bu müharibədə israrlıdır və Kurska hücum da bunun kuliminasiya nöqtəsi oldu. Hər kəs gözəl anlayır ki, NATO supergücləri Vladimir Putinin əsəbləri ilə oynamaq və onu səhv etməyə sövq etmək üçün çırpınırlar. Onlar V.Putini qisas üçün qanlı əməliyyatlara sövq etmək istəyirlər. Lakin həm tarix, həm də siyasi reallıq onu deməyə əsas verir ki, nə V.Putin, nə də dərin Rusiya dövləti ABŞ-İngiltərə-Almaniya üçlüyünün oyununa gələsi qədər sadəlövh deyillər. Çox güman ki, V.Putinin Kursk hücumundan sonra öz planı var. Ukrayna uniformasında gizlənən qərbdəki rəqiblərini Rusiyanın içinə qədər çəkən Kreml rəhbəri, bununla həm bütün rusiyalılara müharibənin sərt üzünü göstərir, - bununla həm də daxili auditoriyada ən radikal addımlar atmaq üçün əsas yaradır – eyni zamanda beynəlxalq ictimaiyyət qarşısında təcavüzə məruz qalan dövlət kimi sonrakı addımlarına haqq qazandırmaq üçün bəribaşdan “əlini gücləndirir”. Lakin bütün hallarda V.Putinin bitdiyi, Rusiyanın diz çökdüyü barədəki xəyal dolu informasiyaların hava şarından başq heç nə olmadığına əminəm. Keçmişdəki nələlər demişkən unutmayaq ki, Rusiyanın yarıdan çoxu, hələ “yerin altındadır”....
Mətləb Salahov
