Təqvimlər üzərində Allahın rəqəmsal imzası var - Elmi-lədun hesablama
"Günəşi işıqlı, Ayı nurlu edən, illərin sayını və hesabı biləsiniz deyə, Ay üçün mənzillər müəyyən edən məhz Odur. Allah bunları ancaq haqq olaraq yaratdı. O, ayələrini anlayıb bilən bir tayfa üçün belə müfəssəl izah edər!" Quran, 10:5.
Ayədən görünür ki, Rəbbim Günəşi və Ayı illəri hesablamaq üçün yaradıb. İnsanların şüur səviyyəsi artdıqca, əvvəlcə Ay (Qəməri) təqvimi, sonra isə, Günəşin hərəkətinə uyğun (Şəmsi) təqvimi yaratdılar ki, bu gün bəşəriyyət ondan istifadə etməkdədir.
Araşdırmalarımız göstərir ki, tərtib edilən bütün təqvimlərin üzərində ALLAHın rəqəmsal imzası vardır. Bu imza özünü 286 ədədi ilə biruzə verir.
Bu gün bəşəriyyətin böyük hissəsinin il ərzində qeyd etdiyi dörd böyük bayram vardır ki, bunlardan ikisi (Qurban və Ramazan bayramları) dini; ikisi (Novruz və Yeni il) isə dünyəvidir. Maraqlıdır ki, həm dini, həm dünyəvi bayramlar arasında qalan günlərin sayı 286-dır.
1) Quranda təsbit olunmuş İslamın iki böyük bayramı – Qurban və Ramazan bayramları arasında qalan günlərin sayı bir qayda olaraq, (Qurban bayramından sayılmaqla) 286 gündür ki, bu da Rəbbimin rəqəmsal imzasıdır.
2) İnsanların ən çox qeyd etdikləri təqvim bayramı 21 mart və 31 dekabr tarixləridir ki, bu iki təqvim arasında qalan günlərin sayı da (Novruz bayramından sayılmaqla), bir qayda olaraq 286 gündür.
Burada haşiyə çıxaraq, 286 ədədi haqqında onu da qeyd edək ki, Quranın orjinalı 286 səhifədən ibarətdir. Yəni, XVIII əsrə (ərəblərin İslama baxışları dəyişənə) qədər çap olunan və müzeylərdə saxlanılan, eləcə də Kəbədə qorunan orjinal Quran 286 səhifəyə yerləşdirilib (sonralar Quranın sözlərini və hərflərini dəyişməsələr də kağız formatını dəyişiblər ki, bununla da səhifələrin sayı artıb). Beləliklə, Quranın səhifələrinin sayı olan 286 ədədini Allahın rəqəmsal imzası (möhürü) olaraq bütün yaranmışların, o cümlədən bayramların üzərində görürük.
3) İnsan ana bətnində 286 günə yaranır. Belə ki, cütlüklər görüşəndən sonra, toxumun ana bətninə çatması 6 gün + bətində normal inkşaf 280 gün = 286 gün. Deməli, uşaq ana bətnində Quranın hər səhifəsinə bir gün hesabı ilə qalır. Beləliklə də, insanın yaranması prosesinə Allah-təala riyazi cəhətdən də Öz möhürünü vurmuş olur.
4) İnsan böyrəyindəki hüceyrələrin yaşama müddəti 286 gündür.
5) Quranın 2-ci surəsi olan “İnək” surəsinin də 286 ayədən ibarət olması təsadüfü deyildir. Belə ki, inəyin 286 sümüyün birləşməsindən yaranmasını artıq elm təsdiq etmişdir.
Quranın ikinci (cüt) surəsinin 286 ayə olmasının digər hikməti: Rəbbim buyurur ki, biz hər şeyi cüt yaratdıq. Yuxarıdakı bəndlərə fikir versəniz, cüt olan bayramların, cüt olan böyrəyin, cütlüyün (ata-ananın) yaratdığı övladın...üzərində 286 vardır...
(Yeri gəlmişkən, hesablamalarımız göstərir ki, bəşəriyyət 2-ci surədə əlamətləri göstərilən inəyi (düyəni) tapıb 2-ci (!) dəfə qurban kəsərlərsə, hazırda düşdükləri zillət quyusundan asanlıqla xilas olarlar.
Qurandakı bu və digər riyazi sirlərin Azərbaycanda açıqlanması da təsadüfi deyildir (Quran məntiqinə görə həyatda təsadüf olmur). Əsrin 2-ci Qurban bayramından etibarən Allah Bakını Dünyanın Mənəviyyat Mərkəzi seçmişdir. Yəni, Quran 2-ci dəfə Allahın iradəsi ilə Azərbaycandan dirçələcək (artıq 23 ildir bu proses gedir)....
Beləliklə, bu gün yeni və hikmətli, mübarək bir ilin - əsrin 25-ci ilinin astanasındayıq. Bu münasibətlə dinindən, irqindən aslı olmayaraq Yaradana inanan bütün insanları təbrik edirəm! Quranın " Fərqlənmə" surəsinin sıra nömrəsi olan 25 ədədi fərqlənmə rəmzi sayılır. Odur ki, yeni il bəşəriyyət üçün fərqli bir il olacaqdır.
Əslində biz insanlar alın yazımızı özümüz öz əməlimizlə yazırıq. Belə ki, yola saldığımız ildə nə etmişiksə (hansı əməllərlə məşğul olmuşuqsa) növbəti ildə qarşımıza onlar çıxacaq. Əməllərimiz balansımıza yatırılır və Yaradan tərəfindən zaman-zaman bizə qaytarılır.
Rəbbim Quranda buyurur: "Biz heç kəsə zülm etmirik, insan zülmü özü (öz əməlləri ilə) qazanır".
Bu gün zülm-zillət içində çabalayan bəşəriyyət bunun səbəbini özündə (əməlində, əxlaqında, yaşam tərzində) axtarmalıdır. Biz özümüzü düzəltsək, dünyanın pozulmuş nizamı da düzələcəkdir.
"Qeybi bilən ancaq Odur və Öz qeybini heç kəsə əyan etməz. Bəyənib seçdiyi peyğəmbərdən başqa! (Qeybi nə bir mələk, nə də bir peyğəmbər bilər. Onun açarları ancaq Allahın əlindədir. Lakin Allah istədiyi peyğəmbərə (kamil bəndəsinə) bir möcüzə olaraq vəhy yolu ilə qeybdən bəzi xəbərlər bildirər). Bax: Quranın 72-ci surənin sonuncu ayələrinə.
Paşa Yaqub
Həkim, elmi-lədun bilicisi
