30 saylı seçki məntəqəsində müşahidə etdiklərimiz... - FOTO
1 sentyabr növbədənkənar parlament seçkiləri arxada qalsa da, həmin gün baş verənlər, yaşananlara yaddaşlara həkk olundu. Əlbəttə, hər bir seçkinin uğurlu nəticəsi seçici fəallığı və seçki məntəqələrində çalışan peşəkarların öz işlərinə həssas münasibəti ilə bağlıdır.
Kimin nə deməsindən, hansı iddiada bulunmasından, seçkinin nəticələrinə kölgə salmaq cəhdindən aslı olmayaraq 1 sentyabr növbədənkənar parlament seçkilərinin demoktik və şəffaf şəkildə keçirildiyini beynəlxalq müşahidəçilər də, seçki məntəqələrində rəy sorğusu keçirən 3 “exit-poll” təşkilatı da təsdiqlədi.
Seçki günü məntəqələrdə seçici aktivliyi diqqəti çəkdi. Seçicilərin fəallıq göstərdiyi seçki məntəqələrindən biri də 7 saylı Səbail seçki dairəsinin 30 saylı seçki məntəqəsi oldu. Seçki gününü bütün prosesə şahidlik edən bir vətəndaş kimi deyə bilərəm ki, səsvermə üçün bütün seçicilərə yüksək səviyyədə şərait yaradılmışdı. 30 saylı məntəqədə səsvermənin ilk saatlarından etibarən xüsusi canlanma müşahidə olundu və seçicilər böyük həvəslə məntəqəyə gəlib öz səslərini istədikləri namizədlərə verdilər.
7 saylı Səbail seçki dairəsinin 30 saylı seçki məntəqəsinin sədri Sürəyya Əliverdiyeva uzun illərdir ki, seçki sahəsində çalışır, bu sahədə peşəkardır. S.Əlverdiyevanın öz işinə məsuliyyətlə, ciddiyyətlə yanaşması seçicilərə də çox yaxşı məlumdur. Sürəyya xanımı obyektiv bir məntəqə sədri kimi ərazidəki bütün seçicilər çox yaxşı tanıyır, rayon ictimaiyyəti ona xüsusi rəğbət bəsləyir.
30 saylı seçki məntəqəsinin katibi, “Könül” körpələr evi-uşaq bağçasının müdiri Yasəmən İsmayılovanın da seçicilərlə davranışı, peşəkarlığı qeyd olunmalıdır.
30 saylı seçki məntəqəsində seçki prosesi olduqca obyektiv, şəffaf təşkil olunmuşdu və burada hər şey qaydasında idi, seçicilər arasında fəallıq özünü bütün saatlarda göstərdi.
Onu da deyim ki, seçki məntəqəsində prosesi izləyən müşahidəçilər də, “exit-poll” keçirən qurum da bu məntəqədə seçkinin sakit və rəvan şəkildə keçirildiyini, seçici fəallığının güclü olduğunu qeyd etdilər. Bu məntəqənin sədri vəzifəsində S.Əlverdiyeva, katibi vəzifəsində isə Y.İsmayılova kimi əsl vətəndaşların, dövlətinə, xalqına bağlı insanların təmsil olunması, onların öz vəzifələrini yüksək səviyyədə həyata keçirmələri onu deməyə əsas verir ki, bu sahədə peşəkarlar çalışır, onlar öz sahələrində dövlətə böyük faydalar verirlər.
Bu məntəqənin bütün kollektivi əlindən gələni etdi ki, seçkilər obyektiv, şəffaf keçirilsin və hər bir seçicinin səsvermədə iştirakı təmin olunsun.
Leyla QARAXANLI
