NATO Zelenskinin İran PUA və raketlərilə bağlı çağırışını rədd etdi - Rusiya ilə münaqişəyə sürüklənə bilərik...
Ukrayna prezidenti Zelenski Qərbi “Ukrayna üzərində Rusiya raketlərini vurmağa” çağırsa da, NATO belə bir addımın Rusiya ilə gərginliyin eskalasiyasına səbəb ola biləcəyi barədə xəbərdarlıq edib. NATO rəsmiləri bəyan ediblər ki, əgər bir üzv dövlət Ukrayna üzərində Rusiya raketlərini vurarsa, bu bütün hərbi blokun münaqişəyə cəlb edilməsilə nəticələnə bilər.
Qeyd edək ki, Zelenski Qərb ölkələrindən tələb edir ki, onlar İsrailə kömək etdikləri kimi, Ukraynaya da İrandan gələn pilotsuz təyyarələrin və raketlərin dayandırılmasına kömək etsinlər.
Ancaq alyansdan bildirilib ki, NATO ölkələrinin öz ərazilərində hava hədəflərini vurmaq hüququ var, lakin hər hansı bir dövlətin Ukrayna üzərində Rusiya raketlərinə qarşı qabaqlayıcı müdaxiləsi bütün hərbi bloku münaqişəyə sürükləyə bilər. Rusiyanın hücumuna qarşı münaqişənin daha da genişlənməsinin qarşısının alınmasında NATO-nun məsuliyyət daşıdığı vurğulanan açıqlamada bildirilir ki NATO münaqişə tərəfi deyil və olmayacaq.
Bu açıqlama Polşanın xarici işlər naziri Radoslav Sikorskinin Qərb ölkələrinin Rusiya raketlərini öz hava məkanına daxil olmamışdan əvvəl vurması ilə bağlı açıqlamalarından sonra verilib.
Polşa Müdafiə Nazirliyi də bu fikirlə razılaşmayaraq, belə bir qərarın bütün NATO üzvlərinin razılığı olmadan qəbul edilməyəcəyini bildirib.
TAHİR
