Putindən 3-cü Dünya Müharibəsi xəbərdarlığı - təhlükə getdikcə artır …
Rusiya prezidenti Vladimir Putin rusiyalı jurnalist Pavel Zarubinə diqqət çəkən açıqlamalar vrib. Rusiya lideri bəyan edib ki, digər ölkələr Moskvanın istənilən çağırışa cavab verməyə hazır olduğunu anlayanda kompromis axtarmaq vaxtının yetişdiyini başa düşəcəklər.
''Biz hər zaman istənilən çağırışa cavab verəcəyik. Həmişə. İndiki rəqiblərimiz və potensial tərəfdaşlarımız bunu eşidəndə, başa düşəndə, dərk edəndə, mənə elə gəlir ki, o zaman razılığa gəlməyin vacibliyini başa düşəcəklər” – deyə Putin bildirib.
Rusiyalı jurnalist Zarubinin 3-cü Dünya Müharibəsi olub-olmayacağı ilə bağlı sualına da münasibət bildirən Putin bunun “artan təhlükə” olduğunu deyib: ''Bilirsiniz, heç kimi qorxutmağa ehtiyac yoxdur. Çoxlu təhlükələr var və onlar getdikcə artır. Düşmənimizin bu gün nə etdiyini görürük, vəziyyəti gərginləşdirir”.
Putin Moskvanın güzəştə getməyə hazır olduğunu da iddia edib: ''Moskva güzəştə getməyə hazırdır, lakin öz maraqlarına zərər verəcək şəkildə deyil. Rusiya digər ölkələrlə münasibətlərini öz maraqları əsasında quracaq”.
TAHİR
