"Paris-2024"də tarix yazmaq arzusundayam - Azərbaycan boksçusu
![Image](/uploads/posts/2024-06/199387_puynju3z94.webp)
Banqkokda keçirilmiş II Dünya Olimpiya Təsnifat Turnirində yarımfinala yüksələrək "Paris-2024"ə lisenziya qazanan Azərbaycan boksçusu Malik Həsənov jurnalistlərə açıqlama verib. 63,5 kiloqram çəki dərəcəsində çıxış edən idmançı bildirib ki, yarış olduqca rəqabətli keçib:
“Mənim çəkimdə 80-ə yaxın ölkənin boksçusu mübarizə aparırdı. Ən güclü beş idmançı Olimpiadaya vəsiqə qazanacaqdı. Dörd döyüşdə qələbə qazanıb, lisenziyanı təmin etdim. Qarşıma qoyduğum məqsədə nail oldum. İndi məni növbəti hədəflər gözləyir. "Paris-2024"də tarix yazmaq, qızıl medal qazanmaq arzusundayam”.
Mətləb