"Qucaqdan-qucağa" atılan Ermənistan...
Ermənistanın baş naziri Nikol Paşinyanın Kremldə Avrasiya İqtisadi İttifaqının (Aİİ) Ali Şurasının iclasında iştirak etmək üçün yollandığı son Moskva səfəri Ermənistanın bir dövlət kimi daima tarix boyu ikili siyasət yürüdüən qeyri-ciddi ölkə olduğunu növbəti dəfə isbatlamış oldu. Yəqin hamı yaxşı xatırlayır: etiraz dalğaları qoynunda İrəvanda hakimiyyətə yiyələnən Nikol Paşinyan elə ilk gündəcə anti Rusiya bəyanatları və Moskva əleyhinə açıq fəaliyyəti ilə sezilirdi və bu proses neçə ildir ki davam edir. Bəs bu gün vəziyyət necədir?. İlk onu deyək ki, gah Rusiyanın, gah da qərbdəki ağalarının “isti qucağına” atılan erməni baş nazir əslində mənsub olduğu xalqın tarixi xislətini də nümayiş etdirmiş olur. Çünki Ermənistanın Rusiyanın hesabına yaşayıb ona arxa çevirməsi, həm də Qərbə xəyanət etməsi əslində ermənilərin xarakterinə xas olan məsələdir, onların xislətindən doğur.
Hər kəsə aydındır ki, Ermənistan bir dövlət olaraq yaradıldığı gündən bu günə qədər Rusiyaya sığınıb və daim Rusiya tərəfindən himayə olunub. Ermənistan elə Sovet dövründə də Moskvanın sevimlisi olub və daim müdafiə edilib. Elə götürək dünən Vladimir Putinin N.Paşinyanın üzünə dediklərini. Kreml sahibi açıqca elan etdi ki, Ermənistanla Rusiyanın ticarət dövriyyəsi 2023-cü ildə 7 milyard dolları keçib. Üstəgəl Avrasiya İqtisadi İttifaqı ilə mal dövriyyəsi 14 dəfə artıb. Bu o deməkdir ki, rəsmi İrəvan Kremlə, KTMT-yə və Aİİ-yə qarşı çıxış etsə də, əslində qərbin sanksiyalar siyahısına daxil etdiyi mal dövriyyəsində bu qurumlardan ən çox faydalanan ölkədir. Yəni bir əli Moskvanın ətəyindədir, o biri əli Qərbin. Bu yaxınlarda ABŞ konqresmenləri “dəsmal götürüb” Ermənistan üçün necə ağlaşdılarsa, İrəvana külli miqdarda maliyyə yardımı ayrıldı.
İşin ən maraqlı tərəfi həm də odur ki, Avrasiya Sabitləşdirmə və İnkişaf Fondunun (EFSD) Şurası da Ermənistana 100 milyon dollar ayırmaq barədə qərar qəbul edib. Bəs sual çıxar ortaya ki bu EFSD hara bağlıdır? Deyim siz də bilin: Bu Fondun maliyyələşməsinin çox mühüm hissəsi Rusiya tərəfindən həyata keçirilir. Deməli bu vəsaitin ayrılmasına V.Putin də “xeyir-dua” vermiş olub. Vəssalam, məsələ məlumdur. Həm Rusiya, həm də Qərb öz tarixi stukaçılarını sahib buraxmırlar...
Bəli, ermənilər tarix boyu bic və hiyləgər olublar. Həm Qərbə, həm də Rusiyaya oyun oynayıblar. Bu gün də o siyasət davam edir.
Mətləb Salahov
