Macarıstandan yeni dünya müharibəsi xəbərdarlığı - Brüsseldə hazırlıq görülür…
Lüksemburqa Ukrayna və Yaxın Şərq gündəmi ilə bir araya gələn AB Xarici İşlər və Müdafiə Nazirləri Toplantısında iştirak edən Macarıstanın xarici işlər naziri Peter Szijjarto ABŞ, NATO və Avropa İttifaqının (Aİ) Ukraynanı silahlandırmaq yarışına girdiyini bildirib. Macar nazir Ukraynanın silahlandırılmasının dünya müharibəsinə səbəb ola biləcəyi barədə xəbərdarlıq edib.
ABŞ Konqresinin Ukraynaya yardım paketini təsdiqlədikdən sonra Avropadakı müharibə tərəfdarı siyasətçilərin bu fərqi aradan qaldırmağa çalışdığını deyən Szijjarto, Brüsseldə yeni dünya müharibəsi hazırlıqlarının intensivləşdiyini bildirib: “ABŞ, NATO və Aİ sülhü möhkəmləndirmək və diplomatik həll yolu tapmaq əvəzinə Ukraynanı silahlandırmaq yarışındadır. Dünya müharibəsinə hazırlıq dayandırılmalıdır”.
Bir çox Avropa və Şimali Atlantika liderlərinin müharibə zehniyyətində olduğunu və özlərini Rusiyaya qarşı gördüyünü bildirən Szijjarto, Macarıstan hökumətini Ukrayna ilə münaqişədə tərəf kimi görmədiyini deyib: “Ukraynada vəziyyət son iki ildə demək olar ki, davamlı olaraq pisləşir. Bu vəziyyət son bir neçə həftə ərzində daha da pisləşib. İştirakçılar Rusiyanın silah üstünlüyü barədə danışmırlar”.
Aİ-nin Ukraynaya daha çox silah göndərmək planlarını tənqid edən Szijjarto deyib ki, Brüssel Ukraynada cəbhə xəttində vəziyyətin pisləşməsinə yeni dünya müharibəsinə hazırlaşmaqla cavab verir.
TAHİR
