Putindən Trampla bağlı ilk açıqlama - yanvarın 20-dək görüşə bilərlər…
Soçidə keçirilən Beynəlxalq Valday Diskussiya Klubunun iclasında çıxış edən Rusiya prezidenti Putin ABŞ prezidenti seçilən Donald Trampı təbrik edib və onunla danışmağa hazır olduğunu bildirib.
Trampın ona qarşı sui-qəsd cəhdi zamanı davranışından təsirləndiyini bildirən Putin, onun cəsur adam olduğunun ortaya çıxdığını deyib.
Putin, Trampın prezidentliyi müddətində nə baş verə biləcəyini bilmədiyini ifadə edərək, onun Rusiya ilə münasibətləri bərpa etmək və Ukrayna böhranının sona çatmasına töhfə vermək istəyi ilə bağlı açıqlamalarına da toxunub və deyib ki, ən azından bunu nəzərə almağa dəyər.
Rusiyanın ABŞ-da xalq tərəfindən seçilən dövlət başçısı ilə inamla işləyəcəyini ifadə etdiyini daha əvvəl ifadə etdiyini deyən Putin bildirib ki, həqiqətən də belə olacaq: “Fürsətdən istifadə edərək onu təbrik etmək istərdim. Əgər təmasları davam etdirmək istəyirsə, biz bunun əleyhinə deyilik”.
Putin "Trampla müzakirələrə hazırsınızmı?" sualına isə “hazıram” cavabını verib.
“Reuters” “İnterfaks” xəbər agentliyinə istinadən yazır ki, Putin Trampla görüşə bilər. Qeyd edilir ki, Kreml andiçmə mərasimindən əvvəl, yəni yanvarın 20-dək Putinlə Tramp arasında görüş ola biləcəyini bildirib.
Trampın qələbə nitqində “Müharibəyə son qoyacağam” deməsindən sonra gələn bu xəbər diqqət çəkir.
TAHİR
