Kurskda Ukraynaya qarşı müharibədə “muzdlu erməni ordusu” öndə gedir...
Elşad Musayev: “Ermənistan sanksiyalardan yayınaraq qadağan olunan məhsulları Rusiyaya ötürür”
Rusiya Müdafiə Nazirliyi Kursk istiqamətində Ukrayna ordusu ilə savaşa ermənilərdən təşkil edilmiş “Arbat” (“Armənskiy batalğon”) muzdlu batalyonunu həmin istiqamətə göndərib. Rusiya və Abxaziya ermənilərindən təşkil olunmuş “Arbat” muzdlu batalyonu Moskvada erməni kilsəsindən birbaşa döyüşlərə yola salınıb.
Ukraynaya qarşı savaşan erməni muzdluların komandiri keçmiş “Vaqner” döyüşçüsü Ayk Qasparyandır. Ayk Qasparyan Ukraynanın işğal edilən ərazilərində evləri yağmalamaqla, mülki insanları qətlə yetirməklə məşhurlaşıb. Qasparyan batalyonuna işsiz qalan keçmiş Qarabağ separatçılarını da cəlb etməyə çalışır.
Burada diqqəti çəkən məqam odur ki, ermənilər bu kimi işlərdə “fəaldılar”. 1992-1993-ci illərdə Abxaziyada Gürcüstana qarşı vuruşanlardan biri də etnik ermənilərdən təşkil olunmuş “Baqration” batalyonu idi. Son vaxtlar Ukraynada Putinin Bakı səfərinə görə iki ölkə arasında əldə edilən bəzi razılaşmalara görə SOCAR-ı, Azərbaycanı hədəf alanlar yaxşı olardı bu məqamlara diqqət etsinlər.
“O baxımdan yaxşı olardı ki, Ukrayna mediası bunların üzərinə getsin”
Sözügedən məsələni “Bakı-Xəbər”ə şərh edən Böyük Azərbaycan Partiyasının sədri Elşad Musayevin fikrincə, ermənilərdən müxtəlif dövrlərdə müxtəlif dövlətlər istifadə edib: “Bu hər zaman belə olub. Onlardan Rusiya da, başqa dövlətlər də öz maraqları üçün istifadə ediblər. Ermənilər adətən belə işlərdə özlərini göstərməyə çalışırlar. İstənilən vaxt, istənilən ölkəyə xəyanət etməyə də hazırdılar. Niyə? Ona görə ki, xisətləri əzəldən belədir. Onlar pulunu alıb Rusiya tərəfdə də, Ukrayna tərəfində də döyüşə bilərlər. Bütün bunlar aydındır. Ancaq maraqlı olan odur ki, Azərbaycan daxilində müəyyən kəsim müxtəlif vasitələrlə ölkəmizi günahkar çıxarmağa çalışır. Bizim Rusiya ilə bağlı mövqeyimiz bəllidir və bunu dəfələrlə demişik. İndiki halda iki ölkə arasında yaxşı münasibətlər Azərbaycanın maraqlarına uyğundur. Azərbaycanın marağında olan məsələlər bir çoxlarını qane etmir. O cümlədən, xarici qüvvələrin Azərbaycandakı uzantıları da bunda məmnun deyil. Belə olan halda onlar bizə şər-böhtan atacaqlar. Putinin Bakı səfəri ilə bağlı Ukraynada sosial mediada Azərbaycan əleyhinə səslənən çağırışların, tənqidi fikirlərin əsası yoxdur. Əvvəla, hər bir dövlətin öz maraqları olduğu kimi, Azərbaycanın da öz maraqları var. Səfər zamanı Ukraynaya yönəlik heç bir addım atılmayıb. Azərbaycan birmənalı olaraq Ukraynanın ərazi bütövlüyünü və suverenliyini dəstəkləyir. Azərbaycan Ukraynaya göstərilən humanitar yardımlarda fəal iştirak edir. Ermənistan isə sanksiyalardan yayınaraq qadağan olunan məhsulları Rusiyaya ötürür və bunun müqabilində milyardlar qazanır. Həmçinin ermənilər batalyon şəklində Ukraynaya qarşı vuruşur. O baxımdan yaxşı olardı ki, Ukrayna mediası bunların üzərinə getsin”.
Vidadi ORDAHALLI
