Bakıda neokolonializmlə mübarizə mövzusunda beynəlxalq konfrans keçirildi
Bu gün Bakıda neokolonializmlə mübarizə mövzusunda beynəlxalq konfrans keçirilib. Trend-in məlumatına görə, bu gün Bakıda Niderlandın müstəmləkəçiliyi altında olan Boneyra adasına həsr olunmuş beynəlxalq konfrans keçirilib.
Tədbir Bakı Təşəbbüs Qrupu (BIG) və Boneyra adasındakı İnsan Hüquqları və Dəyişiklik Hərəkatı tərəfindən təşkil olunub.
“BMT Baş Assambleyasında Bakı Təşəbbüs Qrupu vasitəsilə Boneyra adasının öz müqəddəratını təyin etmə yolu” adlı konfransda kolonializmə qarşı mübarizə aparan və azad olmağa çalışan Boneyra xalqının təmsilçiləri, habelə Beliz, Sent-Vinsent və Qrenadin, Surinam, Sent Lüsiya, Böyük Britaniya, Meksika, Niderland və başqa ölkələrin nümayəndələri, BMT və digər beynəlxalq təşkilatların rəsmiləri, hüquq müdafiəçiləri, qeyri-hökumət təşkilatlarının rəhbərləri, dekolonizasiya üzrə ekspertlər və tədqiqatçılar iştirak ediblər.
Bundan əlavə, konfransda hüquq müdafiəçiləri, qeyri-hökumət təşkilatlarının rəhbərləri, müstəmləkəsizləşdirmə sahəsində ekspertlər və tədqiqatçılar iştirak ediblər.
Konfransda Boneyra əhalisinin müstəmləkəçilikdən qurtulmaq uğrunda apardığı mübarizə, o cümlədən, bu məsələnin müvafiq beynəlxalq təşkilatların gündəminə çıxarılması istiqamətində görülən işlər və bunun üçün beynəlxalq hüquqi imkanlar müzakirə olunub.
Tədbir Boneyra xalqının tarixində mühüm hadisə ərəfəsində baş tutacaq. Konfransdan bir neçə həftə sonra bir sıra dövlətlərin BMT Baş Assambleyasına Boneyra adasının yenidən dekolonizasiyaya məruz qalan ərazilər siyahısına daxil edilməsi ilə bağlı qətnamə layihəsi təqdim edəcəyi planlaşdırılır. Hazırkı konfransın əsas məqsədlərindən biri də bu qətnaməyə beynəlxalq dəstək qazanmaqdır.
Afrika-Karib Assosiasiyasının vitse-prezidenti Rutşaini Jané Holder bildirib:
"O, vurğulayıb ki, gənc mütəxəssislər olaraq, ölkəmizdə layiq olduğumuz imkanları əldə etməyimiz çox vacibdir. İşə qəbul zamanı bir çox çətinliklərlə qarşılaşırıq. Əvvəlcə bakalavr və ya magistr dərəcəsi almaq üçün xaricdə oxumalı oluruq. Qayıtdıqdan sonra diplomlarımız tanınmır. Bizə deyirlər ki, ixtisas üzrə iş təcrübəmiz yoxdur və bacarıqlarımızı göstərmək üçün sınaq müddəti verilmir".
Afrika-Karib Assosiasiyasının vitse-prezidenti əlavə edib ki, artıq işəgötürənlərin tələblərində daha realist və çevik olmağın vaxtı çatıb.
"Şirkətlər məzunlar və gənc işçilər üçün xüsusi hazırlanmış təlim və mentorluq proqramlarını həyata keçirmirlər. Biz, gənc mütəxəssislər, uğur qazanmağımız və adamızda iş təcrübəsi əldə etməyimiz üçün alətlər və dəstək istəyirik.
2010-cu ildən bəri iş yerlərinin əksəriyyəti avropalılara və digər qeyri-yerli sakinlərə, adağa köç edənlərə təqdim edilir. Bonaire-də rəsmi olaraq işəgötürənlərdən yerli əhalidən işçi götürmək tələb olunur. Lakin, təəssüf ki, bir çoxları bu tələbi yerinə yetirmir. Bu isə, gənc yerli sakinlərin iş təcrübəsi qazanmaq şanslarını daha da azaldır," - deyə o əlavə edib.
Hüquq müdafiəçisi Felip Santyaqo Melaan bildirib ki, Boneyra məktəblərinin strukturu və standartları böyük ölçüdə müstəmləkəçilər tərəfindən tətbiq olunan normalar və dəyərlərlə formalaşır.
"Qaydalar və sistemlər tez-tez yerli əhalinin ehtiyaclarından çox hollandiyalı tələbələrin tələbat və üstünlüklərini nəzərə alaraq hazırlanır.
Başqa bir nümunə isə bizim təhsil sistemimizdə işə qəbul praktikasıdır. Burada əksər vakansiyalar niderlandlı müəllimləri cəlb etməyə yönəlib. Belə bir yanaşma yerli müəllimləri arxa plana keçirir və tədris dilinin əsasən keçmiş müstəmləkəçilərin dili olan hollandca olduğu bir sistemin mövcudluğunu uzadır", - deyə o əlavə edib.
Boneyra Hüquq Müdafiə Təşkilatının prezidenti Davika Bisesar bildirib:
"Bu gün biz yalnız Boneyra sakinləri üçün deyil, həm də insan hüquqlarının əsas prinsiplərini qoruyan hər kəs üçün tarixi bir an üçün bir araya gəlmişik".
Davika Bisesar qeyd edib ki, Boneyra zəngin mədəni irsə malik kiçik bir adadır, lakin dünyanın bir çox digər icmaları kimi, xalqın əzmini və məqsədini sınağa çəkən problemlərlə üzləşir.
"Xalqımızın hüquqları, öz müqəddəratını təyinetmə hüququ, mədəniyyətimizin, özünəməxsusluğumuzun qorunması və etik inkişaf hüququ bizim missiyamızın əsas tərkib hissələridir. Lakin bu hüquqlar təcriddə tam reallaşa bilməz. Biz dünya birliyinin dəstəyindən və anlayışından asılıyıq ki, səslərimizi gücləndirək və ədalətin yalnız bir ideal deyil, hər kəs üçün bir reallıq olmasını təmin edək", - deyə o əlavə edib.
Niderlandın müstəmləkəçiliyi altında olan Bonayre adasının nümayəndə heyətinin üzvü, Boner Dəyişim Hərəkatının yaradıcısı Ceyms Finis deyib:
"Mən Karib dənizində yerləşən Bonayre adasından gəlmişəm. Bizim dilimiz Karib regionunda müstəmləkə siyasətindən qurtulmağı bacaran və mövcudluğunu qoruyub saxlayan iki dildən biridir.
Beynəlxalq konfransın təşkilində dəstəyə görə Bonayre xalqı adından Azərbaycan hökumətinə, Bakı Təşəbbüs Qrupuna, xüsusi qonaqpərvərlik üçün isə xalqınıza təşəkkür edir, dərin minnətdarlığımızı bildiririk.
Boneyra xalqı tarixində ilk dəfədir ki, indiki və gələcək nəsillərin hüquqları uğrunda mübarizə naminə bu beynəlxalq konfransda öz sözünü söyləyə bilir”.
