Ermənilər COP29-a ya gəlməmək, ya da gəlsələr 2 məsələ barədə danışmağı planlaşdırırlar...
"Bakı-Xəbər" qəzetinin Baş redaktoru, politoloq Aydın Quliyev öz Facebook səhifəsində maraqlı paylaşım edib. A.Quliyev yazır: "Ermənistan "parlamentinin" deputatı İşxan Saqatelyan öz sosial şəbəkə hesabında COP 29-u qaralamağa çalışıb. Saqatelyan noyabrda Azərbaycanın guya "öz soyqırımçı imicini təmizləmək və beynəlxalq diqqəti ermənilərə qarşı cinayətlərdən yayındırmaq üçün COP 29- dan bir şou kimi istifadə edəcəyini " yazır. Özündən çox müştəbeh davranan erməni deputat hesab edir ki, guya Ermənistanın bu tədbirdə iştirakı ancaq Azərbaycanın planlarının güclənməsinə dəstək ola bilər və guya "İlham Əliyevin özünü regionun sülh lideri kimi təqdim etməsinə yardımçı ola bilər". Saqatelyanın iddiasına görə, heç bir erməni COP 29- da iştirak etməməlidir. İştirak edilsə isə ancaq Qarabağda etnik təmizləmə və Qarabağın separatçılarının həbsdən azad edilməsi barədə danışmalıdır...
Saqatelyan elə güman edir ki, "xoruz banlamasa, sabah doğurdan açılmayacaq". Əvvala, 80- 90 min adamın iştirakının nəzərdə tutulduğu COP 29- da 5-6 erməninin iştirak etməməsinin guya "hər yerdən görünən fakta çevriləcəyini" düşünmək gülüncdür.
İkinci, Azərbaycan prezidentinin regiondakı rolu və imici 3-5 erməninin fiziki yerdəyişməsi, daha doğrusu Yerevandan Bakıya gəlib gəlməməsi ilə müəyyən olunmur ki....
Üçüncü, Obyektiv baxışa malik olan insanların nəzərində İlham Əliyev regionun sülh lideri kimi tanınmaq üçün lazım olan addımları artıq atıb və təşəbbüsləri göstərib. Məsələn, erməni təcavüzünü və erməni separatizmini aradan qaldırıb, sülh sazişi təşəbbüsünü dərhal irəli sürüb, sülh sazişinin 5 əsas prinsipini təqdim edib, sülh sazişi layihəsi üzərində işi başladıb, delimitasiya danışıqlarını başladıb, bir neçə kilometr sərhəddi hətta demarkasiya da edib,regionda rifah və əmin- ananlığın mühüm tələbi olan kommunikasiyaların açılmasından yana çalışdığını sübut edib, istənilən platformada sülh sazişi imzalamağa hazır olduğunu bəyan edib və sair. Sülh adamı olmaq üçün bunlardan başqa nə etmək olar və ya lazımdır?!
Demək, bir neçə nəfərdən ibarət "erməni qrupun" COP 29- a gəlib - gəlməməsi Azərbaycanın planlarını poza bilməz.
"Paşinyançıların" COP- a gəlməyəcəkləri təqdirdə ermənilərin itirəcəkləri barədə isə ayrıca danışmağa ehtiyac duyulmur. Bütün dünyanın Azərbaycanda maraqla izlədiyi bir prosesdə iştirak etməmək Ermənistana nə qazandıra bilər ki....Qazanc olmayan yerdə isə yalnız itki və ziyanlar var..."
Mətləb
