“Əyilməz Fransa” Makronu impiçmentlə hədələdi...
“Əyilməz Fransa” siyasi partiyası Prezident Emmanuel Makronu impiçment proseduruna başlamaqla hədələyib.
Partiyanın üzvləri Emmanuel Makronu iyulda keçirilmiş parlament seçkilərinin nəticələrini tanımadığı və sosialist siyasi qüvvələrin irəli sürdükləri namizədi Baş nazir təyin etməkdən imtina etdiyi üçün onu demokratiyaya zərbə vurmaqda, həmçinin dövlət çevrilişinə cəhddə günahlandırıraq, ona qarşı impiçment proseduru başlamaqla hədələyiblər.
“Emmanuel Makron bilməlidir ki, o, bizi demokratiyanın təməl qaydasına qarşı atdığı pis addıma tabe etdirə bilməyəcək və onun istefa verməsi üçün bütün konstitusion vasitələrdən istifadə olunacaq. Fransada yeganə hakim xalqın səsidir”, - deyə partiyanın deputatları mətbuata açıqlamasında qeyd ediblər. Onlar bildirirlər ki, dövlət başçısının qərarı demokratiyaya qarşı institusional çevriliş kimi dəyərləndirilə bilər.
Buna görə də onlar Konstitusiyanın 68-ci maddəsinə istinad edirlər ki, bu maddə də parlamentə Prezidenti mandatı ilə açıq şəkildə uyğun gəlməyən vəzifələri yerinə yetirdiyinə görə vəzifədən azad etməyə imkan verir.
“Aydındır ki, parlament seçkilərini nəzərə almaqdan imtina və ona məhəl qoymamaq barədə qərar prezident mandatının əsas tələblərinə cavab verməməkdə qınanılan uğursuzluqdur”, - deyə açıqlamada vurğulanıb.
Xatırladaq ki, E. Makronun partiyası parlament seçkilərində iflasa uğrayandan sonra seçicilərin səsinin əksəriyyətini toplamış “Əyilməz Fransa” partiyasının qələbəsini tanımayıb. Həmçinin o, idarə etmək üçün Assambleyada kifayət qədər çoxluq qazana bilməyəcəyini anlayaraq, Yeni Xalq Cəbhəsi (NFP) qrupunun nümayəndəsi Lusi Kastetin Baş nazir təyin olunmasını rədd edib.
Emmanuel Makron seçkilərdən demək olar ayyarım sonra hökuməti formalaşdırmaq üçün avqustun 23-də siyasi qüvvələrin rəhbərləri ilə görüşəcək.
Fransanın Baş naziri vəzifəsinə namizəd kimi Ksavye Bertran (Xavier Bertrand) və hətta keçmiş sosialist baş nazir Bernar Kaznövün (Bernard Cazeneuve) adları səsləndirilir.
Qeyd edək ki, bu yaxınlarda keçirilən sosial sorğu fransalıların 57 faizinin dövlət başçısının istefaya getməsini istədiyini göstərdi. Hətta onun “Renaissance” partiyasının tərəfdarlarının 30 faizi hesab edir ki, seçkilərdə məğlubiyyət səbəbindən və Baş nazirin siyasi opponentlər düşərgəsindən təyin olunacağı təqdirdə, Makron ölkəyə rəhbərlik edə bilməyəcək.
ZÜMRÜD
