ABŞ-dan İsrailə İran xəbərdarlığı – tezliklə və heç bir xəbərdarlıq etmədən hücum edə bilər...
Yaxın Şərqdə gərginlik davam edir. İranın hər an İsrailə hücum edəcəyi gözlənilsə də, hələ ki bu baş verməyib. ABŞ Milli Təhlükəsizlik Şurasının Strateji Kommunikasiyalar üzrə koordinatoru Con Kirbi isə İranın tezliklə və heç bir xəbərdarlıq etmədən İsrailə hücum edə biləcəyini deyib.
İranın İsrailə nə vaxt hücum edəcəyini dəqiq bilmədiklərini ifadə edən Kirbi bildirib ki, hücum yaxın vaxtlarda və heç bir xəbərdarlıq edilmədən baş verə bilər.
"Bizim məlumatımız var ki, hücum xəbərdarlıq edilmədən və əlbəttə ki, yaxın günlərdə baş verə bilər. Biz buna hazır olmalıyıq. Burada sizə, İran İsrailə hücumla bağlı fikrini dəyişdiyini və ya hücum baş verərəsə bunun nəyə bənzəyəcəyini və nə vaxt baş verəcəyini deyə bilmərəm. İranın müəyyən hazırlıqlar gördüyünü bilirik. Onlar hücum etməyi seçsələr, bunu az və ya heç bir xəbərdarlıq etmədən edə biləcəklərinə inanırıq. Vəziyyətin bu nöqtəyə gəlməsini istəmirik" - deyə Kirbi bildirib.
TAHİR
