Cinsi azlıqlar, cins dəyişənlər, fahişələr sosial şəbəkələrdə Azərbaycanı rüsvay edir...
Könül İsmayılova: "Yüngül həyat tərzi keçirənlər, cinsini dəyişənlər bu gün sosial şəbəkə vasitəsilə həyatlarını reklam edirlər"
Son illər ölkəmizdə cinsi azlıqların sayının artdığını müşahidə edirik. Bu mövzu tez-tez sosial şəbəkələrdə müzakirə olunur, müxtəlif görüntülər paylaşılır və s. Hətta cinsi azlıqlar, cinsini dəyişdirənlər bədənini satmaqla məşğul olduğunu elan edir. Yüngül həyat tərzi keçirənlər də sosial şəbəkədə öz həyatlarını müzakirəyə çıxarır. Biri aylıq qazancını açıqlayır, digəri isə bundan zövq aldığını etiraf edir. Ümumiyyətlə, bu cür xoşagəlməz görüntü günü-gündən artır.
"TikTok”da canlı açıb əxlaqsız ifadələr işlədən, qeyri-etik davranışlar sərgiləyən insanların sayı həddindən artıq çoxalıb və bu..."
Psixoloq Könül İsmayılova baki-xeber.com-a açıqlamasında qeyd etdi ki, son zamanlar geylərin sayının artması müşahidə olunur. Sosial şəbəkəyə nəzər yetirəndə bu halın daha çox bölgələrdə baş verdiyini görmək olur: “Bunun da səbəbi TikTok platformasında geylərə çoxlu, bahalı hədiyyə atılması ilə bağlıdır. Hazırda TikTok-da məşhur cinsi azlıqlar var və onlara böyük məbləğdə hədiyyələr atılır. Hansısa alim, qazi, araşdırmaçı maraqlı nəsə desə ona baxış olmayacaq, hədiyyə də atılmayacaq. Ancaq geylərin yemək yeməsi, evlərini yığışdırmasına 20-50 min adam baxır və bahalı hədiyyələr göndərilir. Problem, bəla bundadır ki, kütlə bu gün geylərə tamaşa edir, gənclər də asan pul qazanmaq üçün özlərini onlara oxşadır. Cəmiyyətin məhv olmaması üçün bu məsələyə nəzarət olunmalıdır. Aidiyyəti qurumlar diqqətli olmalıdır”. Psixoloq onu da əlavə etdi ki, hər kəsin istənilən sosial şəbəkədə öz fikirlərini ifadə etmək azadlığı var. Kimin orada özünü necə apardığı, hansı hərəkətlər etdiyi isə onların səviyyəsinin göstəricisidir: "Razıyam, TikTokda canlı açıb əxlaqsız ifadələr işlədən, qeyri-etik davranışlar sərgiləyən insanların sayı həddindən artıq çoxalıb və bu, cəmiyyət üçün xoşagəlməz haldır. Yüngül həyat tərzi keçirənlər, cinsini dəyişənlər bu gün sosial şəbəkə vasitəsilə həyatlarını reklam edirlər. O görüntülər insanlarda qıcıq yaradır. Əksəriyyəti də sadəcə şou xatirinə əxlaqsız danışıb, açıq-saçıq səhnələr göstərir ki, baxış sayı artsın, reklamlardan və ya digər yollardan pul qazana bilsinlər".
Günel CƏLİLOVA
