İranın hücumlarına qarşı Qüdsdə İsrail rəhbərliyi üçün xüsusi yeraltı bunkerlər hazır vəziyyətə gətirildi...
İsrailin Daxili kəşfiyyat xidməti olan “Şin Bet” Qüdsdəki yeraltı sığınacağı İran və Hizbullahın qisas hücumlarına qarşı hazır vzəiyyətə gətirib.
İsrailin “Walla” xəbər saytı yazır ki, komandanlıq və idarəetmə mərkəzlərinin yer aldığı sığınacağın baş nazir Binyamin Netanyahu və yüksək vəzifəli digər məmurların istifadəsi üçün hazır vəziyyətə gətirilib.
Bunkerin oktyabrın 7-də “Əqsa tufanı” ilə başlayan Qəzza müharibəsində ilk dəfə istifadə ediləcək. İran və Hizbullahın əlindəki silahlara qarşı davamlı olduğu iddia edilən sığınacaq 20 il əvvəl tikilib.
Bildirilir ki, Təl-Əvivdə İsrail Müdafiə Nazirliyinin nəzdində fəaliyyət göstərən və “Milli İdarəetmə Mərkəzi” kimi də tanınan sığınacaq, yekun müharibədə İsrailin ordu qərargahı ilə əlaqənin açıq qalmasını təmin edəcək.
2006-cı ildə İsrail-Livan müharibəsindən sonra milyardlar yatırılan sığınacağın dəqiq yeri və ya dərinliyi məlum deyil. “Times of Israel” qəzetinin yazdığına görə, sığınacaq yüzlərlə insan üçün nəzərdə tutulub və lazım gəldikdə mülki şəxslərin müdafiəsi üçün də istifadə oluna bilər.
Qeyd edək ki, İsrail aprelin 1-də İranın Dəməşqdəki səfirliyinin şəhərciyindəki konsulluq binasına hava hücumu həyata keçirib. Hücum zamanı İran İnqilab Keşikçiləri Korpusundan ikisi general olmaqla ümumilikdə 7 nəfər ölüb.
İnsidentdən sonra İran İsrailə qarşı təqribən 300 pilotsuz təyyarə və raketlə hücum edib. Lakin İsrail və müttəfiqləri onların 99 faizini havada zərərsizləşdirib.
Xəbərlərdə Qüdsdəki sığınacaqdan o vaxtkı hücumda belə istifadə edilmədiyinə diqqət çəkilərək qeyd edilir ki, sığınacağın indi açılması İran və Hizbullahdan gələn hazırki təhlükənin nə qədər ciddi olduğunu göstərir.
İyulun 31-də Tehranda HƏMAS Siyasi Bürosunun rəhbəri İsmayıl Haniyənin öldürülməsindən sonra İsrail və ABŞ İran və bölgədəki müttəfiqlərinin mümkün hücumuna hazırlaşır. Hücumun hər an gürçəkləşə biləcəyi bildirilir.
Amerikanın “Wall Street Journal” qəzeti iddia edir ki, ABŞ və ərəb diplomatları mümkün əks-hücumların qarşısını almaq üçün çox çalışıblar, lakin İran və Livan Hizbullahı qisas hücumundan imtina etmək fikrində deyillər.
TAHİR
