Bu il ABŞ-də polis 739 nəfəri öldürüb -ŞOK STATİSTİKA
2024-cü ilin ilk günündən ABŞ-də polis tərəfindən 739 nəfər öldürülüb. Bu barədə polis zorakılığına dair bazada (mappingpoliceviolence.us) məlumat yerləşdirilib.
Məlumatda qeyd olunur ki, bu ilin ilk 7 ayında yalnız 9 gün ərzində polis qətli hadisəsi qeydə alınmayıb. 2023-cü ildə polis tərəfindən öldürülən insanların sayı 1 247 olub və onlardan 27 faizi qaradərili idi. Son 10 ildə polisin törətdiyi ən çox qətl hadisəsi 2023-cü ildə qeydə alınıb və 2024-cü ilin ilk 7 ayındakı göstəricilər artım tendensiyasını göstərir.
2013-2023-cü illər arasında polis tərəfindən törədilən qətllərin 98,1 faizi üçün polis əməkdaşları cinayət məsuliyyətinə cəlb olunmayıb. 2023-cü ildə ən çox polis qətli Nyu-Meksiko ştatında baş verib. Ümumilikdə, 2013-cü ildən bu günə qədər polis 13 minə yaxın insanı öldürüb.
Mətləb Salahov
