Ukraynaya verilən F-16-lar Rumıniya ərazisindən qalxacaq? – Rusiya Rumıniyanı da vura bilər...
Qərb ölkələri söz Kiyevə vəd etdikləri F-16 qırıcılarının ilk partiyasını Ukraynaya təhvil veriblər. Ancaq döyüş təyyarələrinin haradan enib-qalxacağı məsələsi hələ də açıq qalır.
Bəzi mənbələr, təslim edilən F-16 təyyarələrinin ilk partiyasının Ukraynanın Odessa vilayətində, Rumıniya sərhədinə yaxın Limanskoye hava limanında yerləşdiriləcəyini iddia edib. Qeyd edilir ki, ola biləcək hava hücumlarına qarşı müdafiəni təmin etmək üçün Odessa bölgəsindəki hava limanına Patriot zenit sistemləri və iki İRİS-T yerləşdirilib. Əvvəllər Limanskoyedə iki MiQ-29 eskadronu olub. Uzunluğu 2 min 500 metr, eni isə 45 metr olduğu bildirilən uçuş zolağının F-16-lara uyğun olaraq yeniləndiyi bildirilir. Həmçinin iddia edilir ki, Ukrayna F-16-larının əsas bazası Rumıniyanın Konstansa aerodromu olacaq. Belə olduğu halda Rumıniya Rusiya ordusunun hədəfinə çevriləcək. Çünki Rusiya əvvəldən bəyan edib ki, qırıcılar hər hansı bir qonşu ölkədən qalxıb Ukrayna savaşında iştirak edərsə, bu o ölkənin də münaqişəyə qoşulduğu anlamına gələcək və hücumlara hədəf olacaq.
“The İndependent” qəzeti isə yazı ki, Rusiya F-16-ları tez bir zamanda məhv etmək strategiyasını izləyəcək və bu, Rusiyanın imicini gücləndirəcək. Avropa Siyasət Təhlili Mərkəzindən Federiko Borsari Rusiyanın qabaqcıl hava hücumundan müdafiə sistemləri qarşısında F-16-ların yerləşdirilməsinin çətinliklər yaratdığını bildirib.
London Kral Kollecindən müdafiə üzrə analitik Marina Miron isə ukraynalı pilotların cəmi 9 ay təlim keçdiyini xatırladıb. Onun sözlərinə görə, Qərb pilotları üç illik təlimlərdən keçirlər. Ukraynalı pilotlar üçün isə qısaldılmış kurs təşkil edilib. Bu, ciddi bir risqdir.
TAHİR
