Parisdəki “Olimpiya Kəndi” sağ qalmaq uğrunda mücadilə meydanına döndü...
Mübariz Göyüşlü: “Bu, bütövlükdə Makronun daxili və xarici siyasəti yartımaz olduğu kimi, idman, olimpiya siyasətinin də biabırçı, yarıtmaz olduğunun göstəricidir”
Rəsmi Parisin ev sahibliyi ilə keçirilən Yay Olimpiya Oyunlarının təşkilati məsələləri ilə əlaqədar kifayət qədər tənqidi mövqelər var. Olimpiya Oyunlarının açılış mərasimində Makron hökumətinin sərgilədiyi biabırçılıqların müzakirəsinin səngimədiyi bir vaxtda Parisdəki Olimpiya kəndində dözülməz vəziyyət mətbuatın gündəminə çıxıb. Bu barədə elə Fransa mətbautının özü tənqidi məqalə ilə çıxış edib.
Fransanın mostraak.com saytında təqdim edilən “Parisdəki Olimpiya Kəndi İdmançılar Üçün Bir Sağ Qalma Düşərgəsinə Çevrildi” başlıqlı məqalədə beynəlxalq yarışların iştirakçılarının Olimpiya həyatının “gözəllikləri” haqqında danışılır. Məqalənin dilimizə tərcüməsini trend.az təqdim edib. Özümüz də mostraak.com-a daxil olub mətnin rusca tərcüməsi ilə tanış olmuşuq.
Məqalədə qeyd olunur ki, idmançılar kondisonersiz qalıb. “Təxminən 40°C temperaturda idmançıların heç bir seçimi qalmır, birbaşa və məcazi mənada əriməkdən başqa. Və kondisionerin onları xilas edəcəyini gözləməyin! Təşkilat Komitəsi böyük ekologiya hikməti nümayiş etdirərək, bu vacib "aksessuara" əhəmiyyət verməməyi qərara alıb. Nəticədə, idmançılarının rifahını düşünən xarici nümayəndəliklər dərhal yüzlərlə portativ kondisioner gətirməyə qərar verdilər. Tamamilə əsl loqistika baleti yaranıb, ən böyük opera buffalarının belə imrənəcəyi”.
Burada kartondan istifadə edilən çarpayıların olduğu da diqqəti çəkir. Bildirilir ki, oyunlardan sonra geri dönüştürüləcək məşhur karton yataklar Olimpiya kəndində müzakirə mövzusudur. “Bəzi idmançılar narahatlıqdan şikayətlənir, məsələn, İspaniyanın handbolçusu Liza Chapchet yatağını "çox sərt" hesab edir, ya da Polşanın qılıncoynadanı Martyna Swatowska-Wenglarczyk. Hindistanın masa tennisçisi isə bu "karton" yataklardan dolayı ilk gecələrində "sakit yatmaqda çətinlik çəkdiyini" bildirir.
Lakin Danimarkanın üzgüçüsü Signe Bro kimi digərləri bu yataqların balıq torları kimi təkrar xammaldan hazırlandığını deyir və bunu ekoloji cəhətdən yüksək qiymətləndirir. O, zarafatla qeyd edir ki, “Oyunlardan sonra əlimizdə ‘10 min çarpayı’ olmayacaq.” Qısacası, bu məşhur yataqlar bölünür, amma bir şey dəqiqdir: heç kimi laqeyd qoymur...”
Məqalədə yeməkxana haqda da danışılıb: “Gündəlik 40,000 nəfərə yemək verən, “dünyanın ən böyük restoranı" kimi reklam edilən nəhəng kənd yeməkxanası 15,000 aclıq çəkən idmançının dad zövqünü təmin etməkdə çətinlik çəkir. Ulduz aşpazların olması ilə belə, çoxları yeməklərdə dad və ədviyyatın olmamasından şikayətlənir. "Bu, tam olaraq fransız mətbəxi deyil," - gimnastika ulduzu Simone Biles şikayət edir.
Daha da pisi, çatışmazlıq çox populyar məhsulları, məsələn, yumurta, qızardılmış ət və nişasta tərkibli məhsulları əhatə edir ki, bu da aşpazları onları normaya salmağa məcbur edir. Böyük Britaniya kimi komandalar hətta dərhal öz aşpazlarını gətirməyə məcbur oldular! Nəticədə, Almaniyanın üzgüçüsü Lukas Matzerat kimi idmançılar ilk bir neçə gün aclıq çəkdiklərini bildirirlər, çünki porsiyalar çox kiçik idi.
Təşkilat Komitəsi və xidmət təminatçısı Sodexo isə miqdarı artıraraq tələbi qarşılamaqla reaksiya verdiklərini iddia edir. Lakin zərər artıq vurulub. Çatışmazlıqlar, dad məyusluqları və sonsuz növbələr səbəbindən bir çox idmançı indi yeməkxanalardan qaçır, yemək çatdırılması və ya yerində yemək hazırlamağı üstün tuturlar. Bu, fransız qastronomiyasının nüfuzuna ağır zərbədir, hansı ki, bu Oyunların qürur mənbələrindən biri olmalıydı...”
Qeyd olunur ki, kondisionersiz otaqlardakı boğucu istilik, bir-birindən ayrılmayan karton yataqlar və məyusedici qida səbəbindən Paris Olimpiya kəndi idmançılar tərəfindən yekdil qiymətləndirilməyib. Bu "davamlı inkişaf" Olimpiya Oyunlarının qeyri-müəyyən başlanğıcıdır, burada yaxşı ekologiya niyyətləri bəzən yerindəki reallıqla ziddiyyət təşkil edir.
Göründüyü kimi, Parisin olimpiya kəndi barədə belə narazılıq doğuran fikirlər var. Fransa özgəsi vaxt özünü mədəniyyət beşiyi sayır, budur onların sərgilədiyi mədəniyyət? İdmançılar həm istidən, həm aclıqdan, həm də narahat çarpayılardan narazılıq edir, Fransa hökuməti isə özünü heç nə olmamış kimi aparır.
“Görün vəziyyət hansı həddədir ki, idmançılar yaşamaq uğrunda mübarizə aparırlar”
Müasir İnkişaf Birliyinin sədri, siyasi şərhçi Mübariz Göyüşlü “Bakı-Xəbər”ə açılamasında bildirdi ki, Paris Yay Olimpiyadası bütövlükdə fiaskodur. M.Göyüşlü qeyd etdi ki, oyunların açılışında təqdim edilən biabırçı performans idman, dostluq, qarşılıqlı anlayış, hörmət məsələsinə zidd idi. Dünyada da bir sıra nüfuzlu ictimai-siyasi, dini liderlərin bu məsələ ilə bağlı narazılıqlarını bildirdiklərini deyən M.Göyüşlü vurğuladı ki, bütün bunlar Fransanın Olimpiya Oyunlarını çox aşağı səviyyədə təşkil etməsinin nəticəsdir: “İndi də Parisdəki Olimpiya Kəndində idmançıların şəraitsizlikdən əziyyət çəkdiyi barədə Fransa mətbuatı və başqa ölkələrin mediası məlumat yayıb. Olimpiya Kəndində baş verənlər, buradakı acınacaqlı mənzərə doğurdan da biabırçılıqdır. Burada idmançılar üçün heç bir normal şəraitin yaradılmadığı ifşa olunur. Bu, bütövlükdə Makronun daxili və xarici siyasəti yartımaz olduğu kimi, idman, olimpiya siyasətinin də biabırçı, yarıtmaz olduğunun göstəricidir. Bu təkcə Makronun yox, həm də Fransanın əsl simasını ortaya qoyur. Fransa böyük ölkə, böyük mədəniyyət adına iddia edir, amma olimpiya oyunları kimi mühüm bir tədbiri layiqincə təşkil edə bilmirlər. Bu biabırçılıqdır. Görün vəziyyət hansı həddədir ki, idmançılar yaşamaq uğrunda mübarizə aparırlar”.
M.Göyüşlü vurğuladı ki, gələcəkdə aidiyyəti təşkilatlar, Beynəlxalq Olimpiya Komitəsi və başqa qurumlar bu məsələləri nəzərə alıb Fransaya, rəsmi Parisə bir daha belə şans verməməlidirlər.
İradə SARIYEVA
