Dünya ayaqda... İran-İsraili savaşı başlayır - İran kanalları normal yayımı dayandırıb hərbi marş çalmağa başladı - “Yaxın saatlarda...”
İranın paytaxtı Tehranda HƏMAS lideri İsmayıl Haniyənin İsrail tərəfindən öldürülməsindən sonra Yaxın Şərqdə böyük müharibə gözləntisi artıb. İranın hər an İsrailə hücum edəcəyi ilə bağlı xəbərlər yayılr.
Hətta İran Dövlət Televiziyası hücumun bu gecə gerçəkləşəcəyi ilə bağlı mesajlar verib. Televiziyada çıxış edən bir şəxs “Yaxın saatlarda dünya qeyri-adi mənzərələrə və çox mühüm hadisələrə şahidlik edəcək” deyə bildirib.
Bu açıqlamadan dərhal sonra İran televiziya kanalları normal yayımlarını dayandıraraq hərbi marşlar çalmağa başlayıblar.
İran Xarici İşlər Nazirliyinin müşaviri Məhəmməd Mərəndi isə X hesabında raket fotoları paylaşıb və altına da “Gəlir” sözləri yazıb.
İsrail rəsmiləri isə hücumun həftənin şənbə günü Hizbullah, Husilər və Suriyadakı döyüşçülərlə birlikdə başlayacağını təxmin edirlər. İsrail mətbuatında yer alan xəbərlərdə, artıq alov halqasının İsraili mühasirəyə aldığı və İranın hücuma keçəcəyinin qaçılmaz olduğu bildirilib. İsrail radiosuna danışan hərbi ekspertlər bildirirlər ki, İsrail son günlər həyata keçirdiyi hücumlarla bölgədəki çəkindirici gücünü bərpa edib, lakin bu, qarşı tərəfin (İran və onun dəstəklədiyi qüvvələrin) qəzəbini də artırıb. Bir ekspert isə deyib ki, İranın 40 il ərzində əldə etdiyi şey tam olaraq bu müharibəni İsrailin şimalına gətirmək idi.
"Bizim kimi digər dövlətlər də İran və Səudiyyə Ərəbistanından qorxur və bu dövlətlər öz maraqlarını düşünürlər. Onları himayə etməsi gərəkən Qərbin ortada olmadığını isə dəhşətlə izləyirlər. Belə bir təhlükə olanda ABŞ-ın ayaq dayanacağını düşünürlər, amma İran nüvə gücünü artırır. Rusiya və Çin də səhnəyə çıxır. Azad dünyanın qarşısında əngəl olan iki ölkə.
Ekzistensial bir təhlükə var və ona bir təhdid kimi yanaşmaq lazımdır. HƏMAS-dan güclü Hizbullah var, taleyimizdə bu var, onlarla savaşacağıq – deyə ekspert bildirib.
Bu arada, ABŞ HƏMAS lideri Haniyənin öldürülməsinə cavab olaraq İran və onun müttəfiqlərinin İsrailə hücum təhlükəsinə qarşı Yaxın Şərqə əlavə döyüş təyyarələri göndərmək qərarına gəlib.
“New York Times” qəzeti rəsmilərdən birinə istinadən bildirib ki, Yaxın Şərqdəki Amerika qüvvələri döyüş hazırlığını artırmaq və ABŞ qoşunlarını və müttəfiqlərini İran və ya İranın dəstəklədiyi milis qruplarından gələn təhdidlərdən qorumaq üçün “lazımi tədbirlər” görür. Hərbi rəsmi qəzetə bildirib ki, bölgədə münaqişəni qızışdıracaq şəkildə görünmədən, İsraili müdafiə etmək üçün hansı tip təyyarələrin və neçəsinin göndərilməsi müzakirə edilir.
Yaxın Şərqə əlavə döyüş təyyarələrinin “mümkün qədər tez” göndərilməsi üçün hazırlıqların davam etdiyi bildirilən xəbərdə qeyd edilib ki, yekun qərarı ABŞ-ın müdafiə naziri Austin də daxil olmaqla yüksək vəzifəli şəxslərin verəcəyi gözlənilir.
Fransa Xarici İşlər Nazirliyi isə İrana səfər edən vətəndaşlarını “bölgədə hərbi eskalasiya risqinin artması səbəbindən” dərhal ölkəni tərk etməyə çağırıb. Türk Hava Yolları da İstanbul-Tehran reyslərini ləğv edib.
TAHİR
