Ağadadaşın faciəsi - sənətin zirvəsinə çıxdı, vətəndaşlıq zirvəsinə çıxammadı...
"Bakı-Xəbər" qəzetinin Baş redaktoru, politoloq Aydın Quliyev öz Facebook səhifəsində son günlər xalq artisti Ağadadaş Ağayev ətrafında yaşanan hadisələrlə bağlı maraqlı paylaşım edib.
A.Quliyev yazır:
"Onun faciəsi balta tullamaq olmadı. Baltanı tullayandan sonra cəmiyyətin buna reaksiyası oldu. İndi hər yetirən əlinə bir balta alır. Sanki hamı onu vurmaq istəyir. Oxrannik yaddan çıxıb. Ağadadaşa elə gəlir ki, bütün millət onun üstünə yeriyir, hamı da elə bilir ki, guya onun hədəfi Ağadadaşdır . Əslində isə nə Ağadadaş haqlıdır, nə də guya onun üstünə yeridiyini yamsılayanlar. Çoxlarının içində səbəbi hər kəsin özünə məlum olan bir aqressiya var, acıqlarını Ağadadaşın üstünə tökürlər. Ancaq....
Ağadadaş narahat olmaya da bilər. Çünki millət onun üstünə yerimir . Sadəcə onun üstünə yerimiş kimi görünmək istəyir. Hədəfləri başqadır . Bütün millət onun üstünə niyə də yerisin ki....Ofisində çalışan qadının arxasını tumarlamadı, "gömrükdən keçirib millətə soxun" oxuya- oxuya fəxri ad almadı, xalq artisti adı alandan sonra dövlətin hədiyyə etdiyi evi özünə və itinə qarderob eləmədi ki....Təbii ki, Ağadadaşın öz günahları var...Sənətinin zirvəsinə yüksəldi, fəxri ad aldı. Onun başqa uğurlarını sadalamaq istəmirəm. Elə bilər ki, ona qısqanclıq edirəm. Məndə Ağadadaşa nə qısqanclıq ola bilər ki... Artist deyiləm ki, onun fəxri adını qısqanam. Öz peşəmə uyğun fəxri adın isə dalınca heç vaxt sürünmədim.
Ağadadaşın günahı odur ki, bütün həyatı boyu ancaq öz sənətinin zirvəsinə yüksəlmək barədə düşündü. Fərqinə varmadı ki, bundan da ötə şeylər var. Bədbəxtlik onda oldu ki, Ağadadaş əsil vətəndaş zirvəsinə çıxmağa çalışmadı, Vətənpərvər, təmayülsüz vətəndaş zirvəsində olmağa can atmadı.
Mən onu erməni müğənnisi Kim Qardaşyanla müqayisə etməyə qıymaram. O, bizim özümüzünküdür, Qardaşyan düşmənimizdir. Ağadadaş ancaq sənət müstəvisində cəmiyyətin sevimlisi olmağa çalışdı. Geniş və sənətə dəxli olmayan məsələlərdə insanların sevimlisi olmağa isə can atmadı. Bunu unutdu. Bilmədi ki, bu, sənət pərəstişkarlarının sevimlisi olmaqdan çox üstündür. Məşhur gürcü müğənnisi Vaxtanq Kikabidzeni yəqin tanıyırsız. Məşhur "Vinoqradnaya kostoçka" mahnısının müəllifi...2008- ci ildə Rusiya Gürcüstana təcavüz edəndə Rusiyanın, SSRİ-nin mükafatlarından imtina elədi . Sənətkar kimi yox, vətəndaş etirazını belə ifadə elədi. Alla Puqaçovanı da yəqin yaxşı tanıyırsız...."Milyon rozanın" şah rozası....Ukraynaya Rusiya təcavüzü başlayanda hər şeyi itirə biləcəyini gözünə alaraq çox şeylərdən imtina etdi . Nə Vaxtanqın, nə də Allanın jestlərinə qiymət vermək fikrim yoxdur. Hərənin bir fikri ola bilər. Bu ayrı mövzudur. Söhbət cəsarətli vətəndaş mövqeyindən və şəxsi iradənin nümayişindən gedir. Təəssüf ki, Ağadadaşın bütün sənət və vətəndaş karyerası boyu vətəndaşlıq mövqeyi və şəxsi iradəsinin təcəssümü olan bircə belə addımını görmədik. Cəsarətli vətəndaş kimi sevilməyə yox,ancaq onu maliyyələşdirən sponsorun xoşunə gələn müğənni olmağa çalışdı .Vəssalam...İnanın ki, onun bircə dənə belə jesti olsaydı, bu gün millət hamılıqla onun üstünə düşməzdi, düşsəydi də onun xeyli sayda müdafiəçiləri tapılardı .Ancaq Ağadadaş təkləndi...
Dahilərdən birinin sözüdür:" Üstündə yeridiyiniz torpağı incitməyin, bir gün onun altında qalacaqsınız...
Ağadadaş tək özünü düşünərək getdiyi üçün buraxdığı səhvə görə cəmiyyətdən dəstək görmədi...Yoxsa o nə böyük qəbahət eləmişdi ki...Əsəbiləşib, ya əsəbiləşdiriblər, balta tullayıb. Əsəbiləşərək insan kütləsinə bomba atanlar, avtomat darağını boşaldanlar var...
Məncə Ağadadaşın baltasından yazmaq daha yetər.Gözlədim ki, hər kəs ürəyini boşaldıb qurtarsın. İndi onun "baltasından" ibrət götürmək zamanıdır...
Demirəm ki, heç vaxt əsəbləşməyək. Bunu bacarsaq , çox yaxşı olar. Ancaq hər şey mümkündür. Bir gün əsəblərimizin bizi üstələyə biləcəyi an üçün hazır olmalıyıq - Peşənin, sənətin zirvəsinə yüksəlməkdən əvvəl vətəndaşlıq zirvəsinə çıxmaq daha vacibdir..."
Mətləb
