Fransanın kanak xalqına qarşı bu məhkəmə repressiyasının dünyada bənzəri yoxdur...
Faiq Ələkbərli: “Bu ölkədə diktaturanın hökm sürdüyü özünü kanak bayrağına münasibətdə də göstərir”
Fransa həm siyasi, həm də məhkəmə-hüquq müstəvisində kanak xalqına qarşı irticaçı münasibətini sərgiləməkdən çəkinmir.
Belə ki, Fransada Yeni Kaledoniya sakinlərini narazı salan məhkəmə qərarı elan olunub. Məlumata görə, Numea İnzibati Məhkəməsi sürücülük vəsiqələrində yalnız Fransa bayrağının əks olunmasına qərar verib. Məhkəmə qərarında göstərilir ki, kanak bayrağı rəsmi simvol olmadığı üçün Fransa bayrağı ilə yanaşı rəsmi sənədlərdə işlədilə bilməz. Eyni hal dövlət binalarına da şamil edilir.
Kanak bayraqlı sürücülük vəsiqələrinin verilməsi dayandırılıb. Artıq verilmiş vəsiqələrin dəyişdirilməsi üçün isə sürücülərə 6 ay vaxt verilib. Bu müddətdə sənədini yeniləməyənlər cərimə ediləcək.
Xatırladaq ki, son 2 ildə Yeni Kaledoniya sakinlərinin sürücülük vəsiqələrində Fransa bayrağı ilə yanaşı kanak xalqının da bayrağı əks olunurdu.
“Makron hökumətinin göstərişi ilə məhkəmənin bu cür repressiv qərar qəbul etməsi əslində kanak xalqının azadlıq mübarizəsinin qarşısını almağa yönəlib”
Məsləyə münasibət bildirən AMEA-nın Fəlsəfə və Sosiologiya İnstitutunun aparıcı elmi işçisi, fəlsəfə doktoru, BAO sədrinin müavini, siyasi şərhçi Faiq Ələkbərli “Bakı-Xəbər”ə bildirdi ki, Fransanın kanak bayrağına bu cür qəbuledilməz münasibəti o xalqa qarşı atılan növbəti irticaçı addımdır. O hesab edir ki, Fransanın Yeni Kaledoniyaya qarşı həyata keçirdiyi müstəmləkəçilik siyasəti mütləq bir gün iflasa uğrayacaq. “Fransa məhkəməsinin Yeni Kaledoniyada kanak bayrağının sürücülük vəsiqələrindən yığışdırılması ilə bağlı verdiyi qərar bu ölkənin acizliyini ortaya qoyur. Bu bir daha göstərir ki, Fransa özünü demokratik və insan haqlarına hörmət edilən ölkə adlandırsa da, əslində bir diktator və inperialist ölkə kimi çıxış edir. Bu ölkədə diktaturanın hökm sürdüyü özünü kanak bayrağına münasibətdə də göstərir”.
F.Ələkbərli bildirdi ki, Yeni Kaledoniya kanak xalqının vətənidir və kanak bayrağının da sürücülük vəsiqəsində, yaxud digər sənədlərdə əks olunması təbiidir. F.Ələkbərli vurğuladı ki, kanaklar oranın yerli əhalisidir, fransızlar orada yerli deyil, Fransa kanak xalqının vətənini işğal edib.
“Makron hökumətinin göstərişi ilə məhkəmənin bu cür repressiv qərar qəbul etməsi əslində kanak xalqının azadlıq mübarizəsinin qarşısını almağa yönəlib. Çünki Fransa görür ki, kanak xalqı heç bir repressiyadan qorxmur və öz azadlıqlarını, müstəqilliklərini daha güclü səviyyələrdə tələb edirlər. Fransa hökuməti bu cür irticaçı məhkəmə qərarı ilə onların mübarizəsinin qarşısını ala bilməz. Bu qərar demokratiyaya, beynəlxalq hüquqa, haqq-ədalətə heç cür uyğun deyil. Kanakların öz torpaqlarında öz bayaraqlarını daşıması, sənədlərdə əsk etdirməsi daha təbiidir, daha hüquqidir, nəinki imperialist Fransanın bayrağının əks olunması. Bu müvəqqətidir. Hər halda bu, Fransanın son çırpıntılarıdır, kanak bayrağını yığışdırmaqla, qadağan etməklə heç nəyə nail ola bilməyəcək. Əksinə, bu, Fransa müstəmləkəçiliyinin sonunu gətirəcək, bunu sürətləndirəcək. Fransa məhkəməsinin verdiyi qərar da onu göstərir ki, bu ölkənin məhkəmələrindən ədalətli, hümanist qərar gözləmək olmaz. Çünki məhkəmələr müstəqil deyil və imperializm siyasətinin bir parçasıdır. Hesab edirəm ki, kanaklar öz istiqlaliyyətlərini əldə edəcəklər və bu ərazidən Fransa bayrağını da, Fransaya aid olan nə varsa hamısını silib atacaqlar. Kanak xalqının başı üzərində yalnız öz bayraqları dalğalanacaq, bütün sənədlərdə öz bayraqları əks olunacaq”-deyə F.Ələkbərli qeyd etdi.
İradə SARIYEVA
