COP29-un universitet könüllüləri fəaliyyətə başladı...
Məlum olduğu kimi, gənclər də daxil olmaqla, vətəndaşlarımız ölkəmizdə keçiriləcək COP29 (BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası)tədbirlərinə böyük maraq göstərir. Gənclərimiz COP29-da iştirak etməyə çox böyük həvəs göstərir.
Bir sıra ali COP29-la bağlı "yaşıl könüllülər" layihələrinə start verilib, bu adla müxtəlif qruplar yaranıb, proqramlar icra olunur. COP29- la bağlı təbliğati işlərdə şübhəsiz ki, gənc könüllülərin ayrıca yeri var.
Mətbuatda yayılan məlumata görə, 50 mindın çox qonağın Azərbaycana gəlməsi gözlənilir. Qeyd olunur ki, Azərbaycanda gənclərdən ibarət könüllü ordusu var və bütün böyük tədbirlərdə artıq onlar iştirak ediblər. Bir çox eksperetlər bildirirlər ki, həm ali məktəblərdə formalaşdırılmış könüllülər, həm də müxtəlif sahələri təmsil edən könüllülər, tələbələr bu sahədə böyük təcrübə qazanıblar. Ekspertlər hesab edir ki, ali məktəb tələbələri COP29 tədbirində də könüllü kimi öz töhfələrini verəcəklər. Çünki elə bir ali məktəb yoxdur ki, orada COP29 öncəsi təbliğat işləri aparılmasın və tələbələr bu prosesə səfərbər olunmasın. Azərbaycan tələbələri könüllü kimi COP29-da öz sözlərini deyəcəklər.
Bildirilir ki, bir çox universitetdə tələbələrə COP29 bağlı müvafiq məlumatları verir. Onlar bununla bağlı informasiyaları həm kütləvi informasiya vasitələrindən, həm də ali məktəblərdə tədris edilən dərslər zamanı qəbul edirlər. Həmçinin müəyyən seminarlar sırf COP29-a həsr edilir. Tələbələr COP29-da iştirak etməyə çox həvəslidirlər. Belə açıqlamalar da mediada yer alıb.
“Gənclərimiz iqlim dəyişikliyi ilə mübarizəyə çox fəal qoşulublar”
Liberal İqtisadçılar Mərkəzinin sədri Akif Nəsirli “Bakı-Xəbər”ə bildirdi ki, ümumiyyətlə ekologiya mövzusu, ətraf mühitin qorunması, ekosistemlərin normal fəaliyyətinin təmin edilməsi ölkədə, dünyada, yer kürəsində hər bir sakinin verdiyi töhfədən aslıdır. “Ona görə də bu hərəkat genişlənməlidir. Birincisi, bir yer planeti sakinə izah edilməlidir ki, müasir iqlim dəyişiklikləri, çağdaş iqlim probelmləri, ətraf mühit, təbiət hadisələri, bütün bunlar antropogen fəaliyyətin nəticəsidir. Yəni bu gün daşqınlar olursa, sel gəlirsə, ərazilərə daxil olursa, digər ərazilərə çoxlu yağış yağırsa, illər boyu isti keçən ərazilərdə qar yağırsa, bunların hamısı anatopogen təsirlərlə bağlıdır. Yəni insan fəaliyyətinin nəticələridir. Bunları aradan qaldırmaq üçün biz nələri etməliyik? Məsələn, dünyada elə proseslər gedir ki, bu gün Azərbaycan cəmiyyəti ondan xəbərsizdir. Tam əminliklə deyə bilərəm ki, Azərbaycan cəmiyyəti ilə yanaşı hətta media məkanının xəbərsiz olduğu proseslər var. Dünyada iqlim dəyişiklərinə qarşı mübarizə proqramları işləyir ki, həmin o mübarizə proqamlarından bizim xəbərimiz yoxdur”.
Bununla belə, A.Nəsirlinin fikrincə, Azərbaycan gəncləri könüllü kimi bu işlərə qoşulmaqla yeni təcrübələr əldə edəcək. A.Nəsirli hesab edir ki, ali məktəblərin gənclərə yönəlik bu layihələri müsbət təsirə malikdir və gənc könüllər bu sahəyə də böyük töhfə verəcəklər.
Azərbaycan Könüllülər İctimai Birliyinin Qeyri-Hökumət Təşkilatlarına Dövlət Dəstəyi Agentlinin maliyə dəstəyi ilə “yaşıl Könüllülər” layihəsinə start verildiyini deyən A.Nəsirli bildirdi ki, bu istiqamətdə digər layihələr də tqədim olunub.
“Mövcud layihələrin məqsədlərindən aydın görünür ki, bu layihər ətraf mühitin qorunması barədə Azərbaycan gənclərini maarifləndirmək, onların asudə vaxtlarını səmərəli təşkil etmələrinə dəstək vermək, “Yaşıl Dünya naminə Həmrəylik İli”nə töhfə vermələrini təmin etməkdir. Bu layihələr hazırkı dövr üçün xüsusi əhəmiyyətə malikdir. Bu istiqamətdə müxtəlif layihələrin həyata keçirilməsi vacibdir. Bu davamlı bir mövzudur. Bütün cəmiyyət bu layihəyə dəstək verməlidir. Bunun üçün də layihələri həyata keçirənlər özləri aktiv olmalıdırlar, cəmiyyəti öz arxalarınca aparmalıdırlar. Bu layihələr ölkəmiz, dünya, yer kürəsi üçün vacib olan bir çağrışdır. Buna hər bir Azərbaycan vətəndaşı töhfə verməlidir. Baxmayaraq ki, burada gənclərin fəaliyyəti nəzərdə tutulub. Hesab edirəm ki, buna ölkə əhalisinin hamısı dəstək verməlidirlər. Məktəblilərin, hətta bağça yaşlı uşaqların da bu prosesdə iştirakı vacibdir.
Maraqlıdır ki, COP29-la bağlı ciddi maarifləndirici işlər, seminarlar, konranslar təşkil olunur. Burada gənclərin aparıcı qüvvə olması diqqəti çəkir. Gənclər ətraf mühitin mühafizəsində, ekologiyanın qorunmasında, iqlim dəyuşikliklərinə yol açan hallarla mübarizdə aktivlik göstərirlər”.
A.Nəsirli hesab edir ki, Azərbyacna ali məktəblərin tələblərin prosesə cəlb edilməsinin çox mühüm əhəmiyyəti var. A.Nəsirlinin sözlərinə görə, COP29-un uğurla keçirilməsində Azərbaycan tələbələrinin, könüllülərinin rolu az olmayacaq. “Azərbaycan ali məktəblərində tələbələrdən ibarət könüllülər qrupunun yaradılmasının çox böyük əhəmiyyəti var. Gənclərimizin “yaşıl hərəkatda” iştirakı çox mühüm olduğu üçün onlar bu prosesə cəlb ediliblər” - deyə A.Nəsirli vurğuladı.
“Azərbaycan gəncləri ətraf mühitin qorunması prosesinə qoşulması onu göstərir ki, gənclərimiz iqlim dəyişikliyi ilə mübarizəyə çox fəal qoşulublar. Bu Azərbaycan gənclərinin COP29-a böyük töhfəsinin təzahürüdür. COP29-la bağlı ölkəmizin bütün sahələrində ciddi işlər görülür. Artıq paytaxtda və regionlarda fəaliyyət göstərən ali məktəblərdə öz layihələrini, proqramlarını ortaya qoyurlar. Ali məktəblərdə tələbələrin iştirakı ilə dəyirmi masalar, dinləmələr, maarifləndirici tədbirlər keçirilir.
Mən burada “yaşıl könüllülər” layihəsini də vurğulamaq istəyirəm. Azərbaycan Könüllülər İctimai Birliyinin Qeyri-Hökumət Təşkilatlarına Dövlət Dəstəyi Agentlinin maliyə dəstəyi ilə “yaşıl Könüllülər” layihəsinə start verib. Gənclər arasında ekoloji maarifləndirmə işinin gücləndirilməsində bu kimi layihələr də böyük rol oynayır. Başqa layihələr də var ki, dediyim kimi, onları da ali məktəblər həyata keçirib” - deyə A.Nəsirli vurğuladı.
O dedi ki, bu ilin noyabrında başalayacaq COP29-a Azərbaycan gənclərinin töhfəsi böyük olacaq.
İradə SARIYEVA
Yazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
