Türkiyə MN-dən Yunanıstana mesaj - Kipr türklərini heç vaxt tək qoymayacağıq...
Türkiyə Kipr türklərini heç vaxt tək qoymayıb və qoymayacaq. Bu barədə Türkiyənin Milli Müdafiə Nazirliyinin Kiprdə sülhməramlı əməliyyatın başlanmasının 50-ci ildönümü ilə əlaqədar şənbə günü sosial şəbəkələrdə paylaşdığı məlumatında deyilir.
Nazirlikdə vurğulayıblar ki, Türkiyə ordusunun müdaxiləsi sayəsində yarım əsr əvvəl “Kipr türklərinin qeyri-insani qətlləri” dayandırılıb və adada sülh, təhlükəsizlik və əmin-amanlıq bərqərar olub.
“Türkiyə Silahlı Qüvvələrinin Kiprdəki sülhməramlı əməliyyatı zamanı həlak olan bütün şəhidlərin xatirəsini dərin ehtiramla yad edir, qazilərə cansağlığı və uzun ömür arzulayırıq”, - deyə bəyanatda vurğulanır.
ZÜMRÜD
