YAP-ın namizədlərindən bəzilərinin adları məlum oldu...
Veteran YAP-çılardan yenidən parlamentə qayıdanlar olub. Trend-in məlumatına görə, bunu jurnalistlərə deputat Musa Quliyev deyib.
O bildirib ki, Əli Əhmədov, Səyyad Aran, Mübariz Qurbanlı, Eyvaz Qurbanovun adı YAP-ın namizədlər siyahısında var.
"Bu da onu göstərir ki, partiya öz veteranlarını unutmur. Siyahıda yenilər də var. Aqiyə Naxçıvanlı, Sədaqət Vəliyeva, Vasif Talıbov, İsa Həbibbəylinin adı siyahıda yoxdur, Eldar İbrahimovun isə adı namizədlər siyahısında var", - deyə əlavə edib.
Vüqar Rəhimzadə YAP-ın siyahısında yer alıb. Onun namizədliyi Naxçıvandakl seçki dairələrinin birindən verilib.
Qeyd edək ki, Prezident İlham Əliyev iyunun 28-də VI çağırış Milli Məclisin buraxılması və Milli Məclisə növbədənkənar seçkilərin təyin edilməsi haqqında sərəncam imzalayıb. Sərəncamla altıncı çağırış Milli Məclis buraxılıb və sentyabrın 1-nə növbədənkənar seçkilər təyin edilib.
