"Obama, Obama, məni qaytar elimə, obama" - Pezeskiyan yaxın tariximizdəki faktı yadıma saldı...
![Image](/uploads/posts/2024-07/1720685099_1719310342_1719045081_aydin-quliyev09.webp)
"İranın yeni prezidenti Pezeşkiyan Paşinyana bunları dedi: "Ölkələrimizin arasında kiçik sərhəd var. Lakin o, ümid və dinc yaşayış sərhəddidir. Bizim Ermənistanla prinsipial siyasətimiz dəyişməyəcək. İran sərhədlərin dəyişməsinin əleyhinədir."
Vəssalam. Özünüz təhlil edin. Guya Azərbaycanın İran - Ermənistan sərhəddini dəyişmək kimi bir qəti məqsədi var imiş və buna qarşı İranın da ortaya mövqe qoyması lazım imiş..."
Bu fikirlər "Bakı Xəbər" qəzetinin baş redaktoru, politoloq Aydın Quliyevin facebook səhifəsində qələmə aldığı yazısında yer alıb. A.Quliyev yazır: "Pezeşkiyanın "Ermənistanla prinsipial siyasətimiz dəyişməyib" sözlərinin də sətiraltına diqqət yetirmək lazımdır...
Şəxsən mənim üçün bu bəyanatlarda gözlənilməz bir şey yoxdur. Bəziləri "İranda türkdilli şəxs prezident oldu" deyib də sevincək olanda, mən nəyinsə dəyişməyəcəyini demişdim və gözləyirdim.
Hələ illər qabaq Obama ABŞ prezidenti seçiləndə bir Azərbaycan şairi şeir yazmışdı ki, " Obama, Obama, Qarabağımızı qaytar, mən qayıdım elimə, Obama!" Gülməlidir, deyilmi? Belə boş ümidlər Obamanın guya müsəlman olmasından yaranırdı. Nəticə nə oldu? Qarabağı kim qaytardı ? O yox, bizim özümüzünkü qaytardı...
Türk əsilli Conson Britaniyanın baş naziri seçilən vaxtlarda da müvəqqəti bir "Türk təəssübkeşliyi" eyforiyası yaşanmışdı...Hindistan əsilli Rişi Sunak Britaniyanın baş naziri seçiləndə bir çoxları onun Şərq təəssübkeşi olacağı ilə bağlı sevincək olmuşdular. Nə oldu? Sunak Şərqi qana calayam Natenyahunun yanında birinci peyda oldu..
Bunları niyə xatırladıram? Özünüzə və özümüzə güvənək. Başqa yol olmamalıdır. Hər şeyin qarantiyası özümüzün, dövlətimizin dayanıqlı və güclü olmasıdır.
Bir ağıllı adamdan soruşurlar:
- Kimə güvənirsən?
Cavab:
- Güzgüyə baxıb gördüyümə, göylərə baxıb görmədiyimə!
Nə qədər sərrast deyilib...."
Mətləb