Hacıqabulda elektrik dirəklərini oğurlayan şəxs yaxalanıb
![Image](/uploads/posts/2024-07/17206723014660216980_1200x630.webp)
Hacıqabul Rayon Polis Şöbəsinin əməkdaşları tərəfindən keçirilən tədbirlərlə rayon ərazisində “Azərbaycan Dəmir Yolları” QSC-yə məxsus elektrik dirəyini oğurlayan Dilqəm Yusifov saxlanılıb. Bu barədə Daxili İşlər Nazirliyindən məlumat verilib.
Bildirilib ki, onun bir müddət əvvəl rayon ərazisindən QSC-yə məxsus daha 3 elektrik dirəyini oğurladığı və bununla da quruma 18000 manatdan artıq maddi ziyan vurduğu məlum olub. D.Yusifov oğurladığı elektrik dirəklərini əlvan metalların qəbulu məntəqəsinə satıb.
Faktla bağlı cinayət işi başlanılıb, araşdırmalar davam etdirilir.
Mətləb