ABŞ-ın məşhur qəzetindən Baydeni şoka salan seçki çağırışı - geri çəkilin, təhlükəli qumar oynayırsız...
ABŞ-ın “New York Times” qəzetinin redaksiya heyəti iyunun 28-də Co Bayden və Donald Tramp arasında keçirilən ilk teledebatdan sonra ABŞ prezidenti Baydeni prezidentlik yarışından imtina etməyə çağırıb. Bu barədə qəzetin redaksiya heyətinin “Prezident Bayden ölkəsinə xidmət etmək üçün yarışdan çəkilməlidir” başlığı ilə dərc etdiyi məqalə bildirilir.
Məqalədə Baydenin müzakirələrdə Amerika xalqını, daha bir müddət qalmaq niyyətində olduğu vəzifənin çətin tələbləri üçün yetərli olduğuna inandıra bilmədiyi qeyd edilib. Bildirilir ki, seçicilərin açıq-aşkar aşkar olan bir şeyi görməməzlikdən gəlməsini gözləmək doğru deyil.
“Bayden ən böyük ictimai xidməti göstərə bilər və ikinci müddətə namizəd olmayacağını elan edə bilər. Demokratların Trampa aydın, möhkəm və enerjili alternativ çıxmağa daha yaxşı təchiz edilmiş liderləri var. Partiyanın ölkənin sabitliyini və təhlükəsizliyini risqə atmaq üçün heç bir səbəbi yoxdur, seçiciləri Tramp və Baydenin çatışmazlıqları arasında seçim etməyə məcbur etmək üçün heç bir əsası yoxdur. Amerikalıların öz gözləri ilə gördükləri Baydenin yaşını görməməzliyə vuracaqlarına və ya inkar edəcəklərinə ümid etmək böyük yanlışlıqdır. Cənab Bayden 4 il əvvəl olduğu adam deyil”, – nəşr yazır.
Qeyd edilir ki, Bayden sınaqdan keçə bilməyib. Baydenin debatda “kölgə” kimi göründüyünü, yenidən seçiləcəyi təqdirdə nə edəcəyini izah etməkdə çətinlik çəkdiyini və respublikaçı rəqibi Trampın təxribat və yalanlarına cavab verməkdə çətinlik çəkdiyi vurğulanan məqalədə bildirilir ki, prezident indiki vəziyyətində təhlükəli qumar oynayır.
Bütün bunlara baxmayaraq, redaksiya heyəti bildirir ki, “New York Times” Baydenlə Tramp arasında seçim etməli olsa yenidən prezidenti dəstəkləyəcək.
TAHİR
