Putindən Qərbə nüvə mesajı - Rusiyanın nüvə silahları ABŞ-ın Yaponiyaya atdığı silahlardan 4 dəfə güclüdür...
Rusiya prezidenti Vladimir Putin nüvə silahından istifadə ilə bağlı Maraqlı açıqlamalar verib. Nüvə silahından istifadə ilə gərginliyi Rusiyanın deyil, İngiltərənin başlatdığını bildirən Putin, qarşılıqlı nüvə hücumları baş verərsə, çoxlu qurbanların olacağını, lakin bunun bu nöqtəyə çatmayacağını güman etdiyini ifadə edib.
Rusiya və ABŞ-ın raket hücumlarına qarşı xəbərdarlıq sistemlərinə sahib olduğunu bildirən Putin, Avropa ölkələrinin isə nüvə hücumuna hazır olmadığını vurğulayıb. Rusiyanın əlində olan nüvə silahlarının ABŞ-ın Yaponiyada istifadə etdiyi silahlardan 4 dəfə güclü olduğuna diqqət çəkən Putin, hər kəsi boş yerə nüvə müharibəsindən danışmamağa çağırıb.
Rusiyanın nüvə doktrinasının olduğunu və orada hər şeyin yazıldığını vurğulayan Putin deyib: "Nüvə silahından istifadə müstəsna hallarda ölkənin suverenliyi və ərazi bütövlüyünə təhlükə olduqda mümkündür. Belə bir vəziyyətinə olduğuna inanmıram. Buna ehtiyac yoxdur”.
Nüvə doktrinasının canlı bir alət olduğunu deyən Putin, dünyada baş verənləri diqqətlə izlədiklərini və bu doktrinada bəzi dəyişikliklərin edilməsini istisna etmədiklərini bildirib.
TAHİR
