Ermənistanda suvarma suyunun bahalığına etiraz edən sakinlər yolu bağladı
Ermənistanın Sərdərabad rayonunun Mehrablı kəndinin sakinləri suvarma suyunun qiymətinin baha olmasına etiraz olaraq Marqara-Böyük Qarakilsə yolunu bağlayıblar.
Yerli mətbuat yazır ki, etirazçılar bağlarını suvarma suyunun qiymətinin çox baha olduğu üçün sulaya bilmədiklərini deyiblər. Yüzdən çox yerli sakin yolu bağlayaraq Ermənistan hökumətinin nümayəndələri ilə görüş tələb ediblər.
Sakinlərin sözlərinə görə, polis müdaxilə edərək danışıqlar aparmağa çalışıb, lakin etirazçılar yolu açmaq fikrində deyillər.
ZÜMRÜD
